Reykjavikimi Thorimut Odinimullu naalaffiliortut
Tamannalu pingaartinneqarluni ilumoorunneqarpoq.
Naalaffik aasakkut 2016-mi naammassippat qinusarfeqassaaq guutittoqanillu upperisaqartut upperisattoqqani ileqqut atorneqarnissaannut ineqassalluni.
Aviisi Jyllands-Posten taama allaaserisaqarpoq allaaserisami islandimiut aviisiat Morgenbladid issuarneqarluni.
Angummik ataatsimik isilimmik hiistimik arfineq-pingasuni niulimmik hiistertoqarsimaneranik upperisaqanngilanga.
Oqaluttuatoqqat pinngortitap nukiinut eqqarsartariaatsimullu iluaqutaasutut isigigaagut, Hilmar Örn Hilmarsson guutittoqqanik aserinik upperisaqartut palasiat oqarpoq.
Islandimi innutaasut katillutik 320.000-iupput, taakkunanngalu 2.400-u upperisarsiortunut aserinut Ásatrúarfélagidinut ilaasortaallutik.
Innuttaasut isumasiorneqarneranni siorna suliarineqartumi, Islandimi innuttaasut affangajaat naalaffiliortoqarnissaanut isumaqataapput 11 procentillu isumaqataanngilluinnarlutik.