Gazami napparsimaviup qaartartumeerneqarnerani Israelimiut pisuunnginnerarput
Gazami silaannakkut saassusisoqanerani napparsimmavik eqqunneqarmat inuit hundredenik arlaqartut toqutaapput.
Palæstiinamiut peqqissutsimut ministereqarfiat taama nalunaaruteqarpoq Ministereqarfimmit nalunaarutigineqartoq naapertorlugu inuit 500-it toqutaapput. Toqutaasut amerlanersaat meeraapput arnallu.
Islamisiortut Jihad-ikkut saassussisuusut Israelimiut sakutuui oqarput.
Jihadikkkut palæstinamiut sakkutuuisa ilagaat.
Israelimiut sakkutuuisa misissuisimanerannit takuneqarsinnaasimavoq, Islamisk Jihadikkut sakkutuui rakitserpassuarnik Israelip tungaanut igeriussisut Gazamilu napparmmaviup eqqaanut tussimasut.
Napparsimmavik al-Ahli Arab rakitsinik eqqoorneqartoq Gazap illoqarfianiippoq
Palæstiinamiorpassuit Gazami napparsimmavinnut qimarrapput taakkua isumannaanerusutut naatsorsuutigineqarmata.
Inuit hundredelikkaat napparsimasut aamma ikilerneqarsimasut napparsimmavimmiipput taakkua angerlarsimaffitik qimattariaqarsimagaat, Hamasip tusagassiorfinnut allaffeqarfia taama nalunaaruteqarpoq.
Saassussineq sorsunermi pinerluuteqarnertut taaneqarpoq.
Inuit pisinaatitaaffiinik suliniaqatigiiffiup , Amnesty Internationalip illutungeriit inatsisit atuuttut malinneqarnissaat eqqaasitsissutigaa.
Saassussisoqarnerata kingorna Palæstiinamiut Namminersorlutik oqartussaasuisa præsidentiata Mahmou Abbasip USA-p præsidentianik ataatsimeeqateqarnissaani taamaatippaa, tamanna pisussaagaluarpoq ullumi pingasunngornermi.
USA-p Israel qaninnnerpaamik suleqatigaa. Gazami saassussisoqarnerata kingorna nunat kangia qiterlermiut, USA-p præsidentiannik ataatsimeeqateqarnissatik taamaatippaat
Israel Hamassikkut sakkutuinut oktoberip arfineq aappaannili silaannaakkut saassussilutik aallartimmatali inuit 3000-nik sinneqartut toqutaapput, akisillunilu saassussisoqarnerani israelimiut 1.400-it toqutaallutik.
