Argentinami G20-mi suleqatigiinneq ajutooratarsinnaasoq

USA-p Kinallu akornanni niuernikkut aaqqiagiinnginneq, Ruslandip Ukrainillu aporaannerat kiisalu tusagassiortup, Saudi Arabiaminngaaneersup, Jamal Khashoggip toqutaaneranut Saudiarabiami kunngissap, Mohamme bin Salmanip akuuneranut passilliuteqarneq, nunarsuarmi nunat aningaasarsiornikkut ingerlalluartut, G20-imi ilaasortaasut naalakkersuisuisa siulittaasui nunamilu aqutsisui Argentinami tallimanngornermi ataatsimiiilerpata oqaluuserineqartussatut ilaassapput.

Ataatsimiinnermi oqaluuserisassanut ilaappput aningaasarsiornikkut ineriartorneq - aningasaliinerit attaveqaatillu. 

Oqaluuserisassaatut ilanngunneqarsimanngitsut G-20-p ataatsimeersuarnissaani aarlerinartinneqarput., 

Thomas Bernes Canadami isummersuisarfimmi Center For  International Governance Innovationimeersoq oqarpoq. 

Ilaatigut USA-p Europallu akornanni najummatsisimaneq,  Saudi Arabiamiullu Istanbulimi aallartitaani toqutsisoqarneranut Saudia Arabiamiut kunngissaat akuusimasinnaanernut apeqqutit pineqarlutik. 

-  G-20-it ilaasortat allat iliuuseqariasaassanersut misilitsiffiussaaq, imaluunniit nunat tamat  aningaasarsiornikkut ingerlalluartut suleqatigiiffiata G 20-p  atorunnaarsinneqarneranut isiginaartuussanerlutik, Thomas Barnes oqarpoq.