Frankrigip kujataani narsaatit viinnequteqarfiit nataqqornarujussuarnit eqqugaasut
Romas-Sur- Iséremi arfininngormat ualikkut silarlunnerani nataqqornarujussuit nerrivimmi arsaararutit arsaarartaatut angitigipput biilillu igalaavi aserorterlutik.
Timersortarfimmi judomik aaqqissuussisoqarnerani timersortarfik nataqqornarujussuarmit eqqorneqarluni qalia aamma putuvoq.
Annermilli naatitsiviit eqqugaanerpaapput. Viinniliorfimmi viinnissat naatitaliallu aamma aserorput.
Naatitaatillip, Grefory Chardonip naatitani abrikosit, fersknit kirsebærillu ukioq manna piiarneqartussat aserortertut isigiinnarsinnaavai.
Taassuma naatitaatini NET-imik sukatersimagaluarpai, nataqqornarujussuilli taakkununnga aamma aserorteripput.
- Aserorterneqartut annertullutillu siammasipput Chardon oqarpoq.
Franskit nunalerinermut ministeriata, Didier Guillaumep naalagaaffik pinngortitalernermi ajunaarnersuaqarneranik nalunaaruteqassanerarpaa, tamannalu nunalerisunullu annaasaqangaatsiartunut sillimmasiinermik aningaasaliisoqassanerarlugu ikiorsiinernik allanik kinguneqassanerarpaa.
/ritzau/AFP
