Ny Caledonien Frankrigimit avissaarnissamut naaggaartut

Inuttaasut 80 procentii taasiartortut, taakkualu 56,8 procentii namminersulivinnissamut naaggaarput.

Ny Caledonien 1853-imili Frankrigimit nunasiaataalerpoq.

Ny Caledoniami nunaqavissut europamiillu nunasisut 1980-ikkunni aporaaterujussuarmata inuit 70-it inuunerannik naleqarpoq.

Innuttaasullu uani sapaatip akunnerani isumasiorneqarmata namminersulivinnissamut naaggaartut amerlanerunissaat paasinarsivoq. Apersorneqartut amerlanersaasa Frankrigip Ny Caledoniamut ukiumut tapiissutigisartagit 9,7 milliardiusut annaarusunnginnamikkit.

Ny Caledoniap Frankrigimit avissaarusunnginnera franskit præsidentiata Emmanuel Macronip "tanngassimaarutigaa".

- Frankrigimut tatiginninnermut tamanna takutitsineruvoq, taanna oqarpoq.

Ny Caledoniami najugaqartunit 270.000-iusunit nunap inoqqaavi 40 procentiupput.

 /ritzau/