KANGILINNGUIT Illersornissamut ministeri Kangilinnguit pillugit isumasiorneqalersoq
Tamannalu Folketingimut ilaasortap Siumumeersup Aleqa Hammondip kissaateqarneratigut Folketingip illersornissaq pillugu ataatsimiititaliaani pissaaq.
Danskit illersornissaqarfiata 2014-imi Kangilinnguaniikkunnaarnerata kingorna sakkutooqarfiusimasoq siunissami qanoq pineqarniarnersoq Aleqa Hammondip paasisaqarfigerusuppaa.
Kangilinnguit siunissaat ukiuni arlaqalersuni inissinniarneqarsimavoq.
Danskit sakkutooqarfiata Issittumi Sakkutooqarfinngortinneqarluni Nuummut nuunneqarnissaa Danmarkip Nunattalu akornanni 2011-mi isumaqatigiissutigineqarpoq - Illersornissaqarfiullu sakkutooqarfiusimasoq kingorna tuniniaraluarpaa.
Aamma atuaruk Nunaqarfimmi aqutsisut: Kangilinnguani illuutit isaterneqarniarlik
Aamma atuaruk Kangilinnguani illuutit illersornissamut ataatsimiititaliami oqaluuserileraat
Tamanna arlaleriarluni tamanut ammasumik suliariumannittussarsiuussinikkut pivoq, sakkutooqarfiusimasumulli piviusorsiortumik neqeroortoqarsimanngilaq.
Sumiiffiup avatangiisitigut annertuumik mingutsinneqarsimaneranik tamanna pissuteqarnerarlugu arlalinnit isornartorsiorneqarsimavoq Illersornissaqarfiullu maannamut piumasaqaatigisimavaa pisisussaq avatangiisinik nammineerluni saliissasoq.
Suliassaq taanna Illersornissaqarfimmiikkaluarpoq Illersornissaqarfiullu saliinissaq 300 millionit koruuninik akeqassasoq naatsorsorsimavaa.
Paasissutissat KNR-imi pissarsiavut naapertorlugit, Namminersorlutik Oqartussat Illersornissaqarfiullu Kangilinnguani avatangiisinik saliinissamut sinaakkutissat maannakkorpiaq isumaqatigiinniutigaat.
Aamma atuaruk Siulittaasoq: Kangilinnguani illuutit Namminersorlutik Oqartussat nammineerlutik akilertariaqassavaat
Illersornissaqarfiullu Kangilinnguani avatangiisinik saliinissaq illuutinillu isaterinissaq pillugu ingerlatseqatigiiffimmut isumaqatigiissuteqannginnerani Namminersorlutik Oqartussat Illersornissaqarfillu isumaqatigiissuteqaqqaassapput.
Suliarimannittussarsiuussinermi killigititaq siorna novembarimi ukiormanna februaarip aallaqqaataanut kinguartinneqarpoq.
Politikerit arlallit, taakkununnga ilaalluni Aleqa Hammond, suliariumannittussarsiuussinerup immikkoortunut marlunnut avinneqarnissaa siunnersuutigisimavaat, avatangiisinik saliinissaq Illersornissamut ministereqarfimmit isumagineqartussanngorlugu Kangilinnguanilu illuutit pioreersut immikkut neqeroorfigineqartussanngorlugit.
Aamma atuaruk KANGILINNGUIT Neqeroornissamut piffissaliussaq kinguartinneqartoq
AAMMA ATUARUK Demokraatit: Kangilinnguit nunatta karsianut aningaasartuutaassanngilaq
Aamma atuaruk Suliariumannittussarsiuussineq ingerlatiinnarneqarniarpasippoq
Aamma atuaruk Suliariumannittussarsiuussinissamut Kalaallit Nunaat aalajangiissaaq
