KANGILINNGUIT Suliariumannittussarsiuussineq ingerlatiinnarneqarniarpasippoq
Pinngortitamut avatagiisimut inatsisinullu atortitsinermut naalakkersiusup, Mala Høy Kúkop isumaa malissagaanni tamanna aamma ilimanarneruvoq.
Allakkatigut KNR-imut Mala Høy Kúko akissuteqarnermini allappoq: "Illut Illersornissaqarfimmit pigineqarput, taamaammat illut qanoq pineqarnissaat Illersornissaqarfiup aalajagissavaa."
Aamma atuaruk Suliariumannittussarsiuussinissamut Kalaallit Nunaat aalajangiissaaq
Illersornissaqarfiup ministereqarfiani, Namminersorlutik Oqartussat, Kommuneqarfik Sermersoorlu ilaatigut aamma illunik pigisaqartut, oqaatigereeraluarpaat isaterititsinissaq isumaqatigiissuteqarnikkut pissasoq.
Illersornissaqarfiup aamma tikkuartareerpaa, suliariumannittussarsiuussineq allanngortinneqarsinnaasoq, inatsisitigut piginnittussaaneq Illersornissaqarfimmiit allanik tiguneqarsinnaappat.
Nammineerlutik suliniuteqartut assigiinngitsut illunik isaterinissaq avatagiisaanillu saliinissaq isornartorsiortareerpaat illuutit ilaat suli ajoqutiqanngitsorpassuusut, sulilu arlaannut atorluarneqarsinnaagaluartut.
Aamma atuaruk Kangilinnguani illuutit mingutsitsineq pissutigalugu isaterneqartariaqartut
Illut ataasiakkaarlugit tuniniarneqarsinnaanerat Naalakkersuisut qimerloortariaqaraat, tamannalu Illersornissaqarfimmut kimigiiserfigissagaat, Folketingimi ilaasortaq Aaja Chemnitz Larsen isumaqarpoq,
