KANGILINNGUIT Suliariumannittussarsiuussinissamut Kalaallit Nunaat aalajangiissaaq
Kangilinnguit pillugit isumaqatigiissut allannguuteqassappat Naalakkersuisut Kommuneqarfik Sermersoorlu suleqatigiillutik illersornissaqarfimmut namminneq nalunaarutigissavaat. Venstrep illersornissamut tunngasunut oqaaseqartartua Peter Juel Jensen taama oqarpoq.
Aamma atuaruk Kangilinnguani suliarinnittussarsiornerup allanngortinnissaa Aajap piumasaraa
Aamma atuaruk ASSIT Sakkutooqarfiusimasoq Kangilinnguit ullumikkut ima isikkoqarpoq
Isumaqatigiissut nutaaq naapertorlugu Kangilinnguani mingutsitsisoqarsimaneranik saliinissaq, illuutinillu isaterinissaq illersornissaqarfiup aappaagu maajip aallaqqaataani aallartittussamik isumagissavaa, allatulli aamma aaqqiisoqarsinnaanissaa isumatusaarnerusinnaasoq, Peter Juel Jensenip aamma nassuerutigaa:
- Illuutit arlaatigut suli atorneqarsinnaasuuppata isumatusaarnerussaaq, isaterneqarnissaallu sianiitsuliornerussalluni. Christiansborgimit akuliuttoqannginnissaa pissusissamisoortuussasoq isumaqarpunga, Namminersorlutik Oqartussat Illersornissaqarfillu toqqaannartumik isumaginninnissaat pissusissamisoortuulluni, Peter Juel Jensen KNR-imut oqarpoq.
Aamma atuaruk Kangilinnguani illuutit mingutsitsineq pissutigalugu isaterneqartariaqartut
Allatulli aaqqissuussisoqassappat piaarnerpaamik aalajangiisoqartariaqartoq taassuma aamma erseqqissaatigaa. Kangilinnguanimi mingutsitsinerup ilimagisamit sukkanerusumik siaruaakkiartornera iliuuseqarfigineqartariaqarami.
Illersornissaqarfiulli mingutsitsisimanerata salinneqarnissaa, illuutillu isaterneqarnissaanut suliffeqarfiit tallimat suliariumannittussarsiuussinermut atatillugu neqerooruteqarsinnaatitaapput.
Aamma atuaruk Schweizimiut Kangilinnguani nunalerinermik ilinniarfimmik suli pilersitserusuttut
Namminersorlutik Oqartussat Kommuneqarfik Sermersuullu suliamut akuliuttariaqalersinnaasut, Inuit Ataqatigiit sinnerlugit Folketingimut ilaasortap Aaja Chemnitz Larsenip oqaatigaa.
Pinngortitamut, Avatangiisinut Inatsisinillu Atuutsitsinermut naalakkersuisoq Mala Høy Kúko, borgmesterilu Asii Chemnitz Narup Kangilinnguit pillugit suli oqaaseqartissinnaasimanngilagut
