Ilimanaq Europamit Kulturikkut kingornussanut nersornaasigaavoq

Poul Egede-p illua quersuaarlu Ilulissat eqqaani Ilimanamiittut nutarsarnerannut atatillugu nersornaaserneqarput.

Illut marluk eqqissisimatitat oqaluttuarissanermullu pingaarutillit 1700-meersut Kalaallit Nunaanni nunasiaatiginninnerup nalaaneersunit pisoqaanersaat ilagaat.

Ukiut qulit sinnerlugu nutarsarnissaannut pilersaarut aallartippoq Realdania By & Bygd-ip Kalaallit Nunaata Katersugaasivia kulturikkut kingornussaq nutarterniarlugu suleqasiummagu.

AAMMA ATUARUK Ilimanami takornarianut suliniut atoqqaartinneqartoq

Suleqatigiinnerup nassataasa ilagaat Realdania-p 2014-mi Ilimanami illut marluk pisiarimmagit, nutarterneqareeramillu sullissivittut, neriniartarfittut pisiniarfittullu suliarineqarlutik.

Maannakkullu Realdania By & Bygd Europa-Kommision-ip kulturikkut kingornussat nersornaasiuttagaat - Eurapa Nostra -pris 2018-mik nersornaasigaapput.

-Ukioq manna kulturikkut kingornussanut "pissartat" pilluaqqusingaarpunga, nunarsuarmi operartartoq Europa Nostramilu siulittaasoq, Plácido Domingo oqarpoq .

Nersornaammut ilaavortaaq allagartaq savimineq kusanartoq illunut Ilimanamiittunut nivinngarneqarsinnaasoq.

AAMMA ATUARUK Ilimanami illutoqqat marluk nutarterlugit naammassineqartut