Suleqatigiinnerusoqarnissaa Naalagaaffeqatigiinneq pillugu peqatigiiffiup neriuutigaa
![Foreningen Rigsfællesskabet](/sites/default/files/styles/image_934x467/public/article_images/foreningen-rigsfaellesskabet.jpg?itok=bzBCWs8o)
Qinersineq arsaattuni naligiinnertut inerneqangajappoq.
Siumut 326-nik qinerneqarnerulluni IA-kkutut amerlatigisunik ilaasortaatitaqalerlutik Naalakkersuisunngortussanik isumaqatigiinniarnerit siuttuuffigissavaat.
Naalagaaffeqatigiit pillugit peqatigiiffimmiit siulittaasup Nauja Lyngep Siumup siuttuata unammeqataasut tamaasa peqataatillugit isumaqatigiinniassasoq neriuutigaa.
- Kim Kielsenip ataatsimoornissaq qineqqusaarutigaa. Qanorluunniit inissittoqaraluarpat, avaqqunneqarsinnaanngilaq qineqqusaarnerni ataatsimoorneq suleqatiginnerlu pingaartinneqartoq qaqinneqartariaqartorlu. Tamanna Danmarkimut kangianiit kitaanut, nuummut sineriammullu sinneranut tunngassuteqarpoq. Neriuutigaara innuttaasunut neriorsuutigineqareersoq piviusunngortinneqassasoq.
Naalagaaffeqatigiinnerup iluani suleqatigiinneq nukittorsarusukkaa
Naalagaaffeqatigiit pillugit peqatigiiffiup taaguutaa isumaqarpoq kunngeqarfiup ataaniittut nunat pingasuusut suleqatigiinnissaata nukittorsarnissaa sulissutaavoq.
Nauja Lyngelu isumaqarpoq qinersineq peqqammisup danmarkip nunattalu attuumassuteqarnerat nukittunerulersikkaa.
- Ilimagaara silatusaarnerujussuussasoq innuttaasut namminersorneruneq naammagigaat naalakkersuisunngortussanit naqissuserneqarpat. Kalaallit Nunaat namminersortuuvoq innuttaasuilu unnuamilu eqqissillutik sinissinnaasut meeqqatillu ilinniariarnissaannut aallartissinnaallugit. Tunaartaq ajorisassaanngilaq. Namminersornerujussuuvoq. Tulluusimaarneq ataatsimoornerlu uterteqinnissaat pisariaqartorujussuuvoq. Naalakkersuisunngortussanut nukittorsaassaaq angusaqarfiusussamik.