OQALLINNEQ Folketingimut kina qinissanerlugu aalajangereerpit?

Kalaallit Danmarkimiittut atugarisaat pillugit qineqqusaartut tv-kkut oqallittut takoreerpagut. Aamma nunatta karsianik atornerluinermut tunngasoq tusagassiuutini annertuumik sammineqarpoq.

Nunatsinni meeqqat pisinnaatitaaffii pillugit sullissiviup MIO-p, Pinngortitaq pillugu nunarsuaq tamakkerlugu suliniaqatigiiffiup, Peqatigiiffik Naalagaaffeqatigiit aammalu ICC Kalaallit Nunaata politikerinut sammitikkusutaat uani atuarneqarsinnaapput.

Qinersinnginninni suut akissutissarsiffigissallugit amigaatigaagit? Suut oqalligissallugit pingaaruteqarsoraagit? Folketingimi ilaasortaaffivut marluusut politikerit qanoq atussavaat?

Ataani isummersoqataagit.

Aamma eqqaamallugu, Nuummi Katuami oqallinneq tv-kkut radiokkullu arfininngorpat nal. 14-17.45 aallakaatinneqassammat. Aamma juunip 17-iani, qinersinermut aqaguppat, partiit siuttuisa oqallitsinneqarnerat nal. 19.30-21.50 aallakaatinneqassaaq.