Folketingimut ilaasortap Savilimmiuneersup Mette Frederiksen statsministerissatut tapersersorpaa

Savalimmiormiut Folketingimi ilaasortaatitaasa aappata Sjurdur Skaalep, Javnaðarflokkurinimeersup, Atlantikup avannaanit Folketingimi ilaasortat sisamat akornanni, Danmarkimi Folketingimut qinersisoqareerpat kina statsministerissatut piukkunnerini, maannamut kisiartaalluni nalunaarutigaa.

Statsministerissatut tikkuarniagaa tassaavoq Socialdemokratit siulittaasuat Mette Frederiksen. Sjurdur Skaale, aviisimi Altinget Arktisimi allaatigisammini taama ilaatigut allaaserisaqarpoq.

Inuit Ataqatigiit sinnerlugit ilaasortap Aaja Chemnitz Larsenip, Aleqa Hammondip, Nunatta Qitornaanneersup, Margni Argelluunniit, Savalimmiuni republikanerineerinit Tjóðveldineersup, Folketingimut qinigaaqqissagaluarunik kina statsministerissatut piukkunneritsik, suli nalunaarutiginngilaat.

AAMMA ATUARUK Aleqa Hammond Folketingimut qinigassanngorteqqippoq

Statsministerissatut piukkoortut arlaat, Folketingimut qinersereernerup kingorna Kalaallit Nunaata Savalimmiullu kissaataannik akuersiumasoq apeqqutaatinniarpaat.

Tamannali qinersisartunik mitaatiginninnerusoq, Sjurdur Skaale isumaqarpoq. Nunallu namminersortut marluk Danmarkimi qinersinerup inerneranut aalajangiisuusussaappata tamanna tamat oqartussaaqataanerannut akornusersuinerussasoq, Sjurdur Skaale isumaqarpoq:

AAMMA ATUARUK Aajap qinigassanngortinniartut siusinnerusukkut qineqqusaarnissamut kajumissaarai

- Folketingimummi ilaasortat, Danmarkimi akileraaruteqarneq ajortunik qinersisartullit, Folketingillu inatsisiliorneranik killilimmik ilaatinneqartut, Danmarkimi politikkimut sunniuteqangaatsialissapput. Tamanna Danmarkimi tamat oqartussaaqataanerannut ataqqinninngitsuliornerusoq isumaqarpugut, Sjurdur Skaale, Altinget Arktisimi allaatigisamini ilaatigut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat