Aleqa Hammond Folketingimut qinigassanngorteqqippoq

Aleqa Hammond Nunatta Qitornaaneersoq folketingimut qinigassanngorteqqippoq.

Aleqa Hammondip qisuariaataa nalunaaqutaq 16:55 nutartigaq.

- Nunatta Qitornaasa Aleqa Hammondip Folketingimi Inatsisartunilu ilaasortaanera iluaqutaasutut isigaat misilittagaqarnera sungiussisimaneralu peqqutigalugit, nunarpullu pillugu oqallinnernut saqqumititsinera sunniuteqarniarneralu iluaqutaapput, Nunatta Qitornaani siulittaasoq Vittus Qujaukitsoq allappoq.

AAMMA ATUARUK Bentiaraq Ottosen Folketingimut qinigassanngortittoq

Aleqa Hammondip partii naalakkersuisuuttitaqartoq Venstre suleqatigiinnissamik qinigaaffimmi uani isumaqatigiissuteqarfigaa. 
Nunatta Qitornaasalu Folketingimi talerperlernut saamerlernullu suleqatigiinnissaminut maanna piareersimavoq, siulittaasoq allappoq.

AAMMA ATUARUK Folketingimut qinigassanngortittoq maannamut ataasiinnaasoq

Partii pingasunik qinigassanngortitsissasoq Aleqa Hammondili siuttuulluni sassassasoq, partii allappoq.

Nunattalu naalagaaffeqatigiit oqaluttarfiisa pingaarnersaanni sinniisaa erseqqissuliorsinnaasariaqartoq Aleqa Hammond Nunatta Qitornai sinnerlugit qinigassanngortittoq ilaatigut isumaqarpoq. Aamma:

- Tassaasariaqarpoq, Danmarkimi naalakkersuisunut anngaaniinnarani kisianni aamma piumasaatit sakkortuut apuussinnaallugillu illersorsinnaanissaanut pingaaruteqarpoq nunatta sinniisui stassani issiassasut.

Aleqa Hammond folketingemi ilaasortanngoqqissaguni partiinik sorlernik suleqateqassanerluni maanna oqaatigiumanngilaa.

- Ministeriuninngortussaq nunarput pillugu isumaqatiginninniarnermi nukittuppaamik kalaallit inissisimatinneqarsinnanissaanik piumassuseqartoq, taanna toqqassavarput, Aleqa Hammond KNR-imut taama oqarpoq.

Folketingimut qinigassanngortillutik maannamut nalunaarput, Aaja Chemnitz Larsen, Inuit Ataqatigiit, Bentiaraq Ottosen, Atassut, kiisalu Aleqa Hammond, Nunatta Qitornaaniit.

Folketingimut qinersinissaq kingusinnerpaamik juunip 17-ani pissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat