Bentiaraq Ottosen Folketingimut qinigassanngortittoq
- Atassummiit folketingimut qineqqusaartussatut sassartoq siulliullugu nalunaarutigissavarput tassaammat Bentiaraq Ottosen, Atassummiit naatsumik taama nalunaarput.
Bentiaraq Ottosenip, partiimini sinniisussatut Inatsisartuni ilaasortaasup naalagaaffiup suliassaqarfiisa Namminersorneq pillugu inatsit naapertorlugu nunatsinnut nuunneqartussat pillugit suliaqarneq immikkut samminiarpaa.
AAMMA ATUARUK Aajap qinigassanngortinniartut siusinnerusukkut qineqqusaarnissamut kajumissaarai
Aamma naalagaaffeqatigiinneq Folketingimut qineqqusaartumut pingaaruteqarpoq:
- Naalagaaffeqatigiinnerup Kalaallit Nunaata qallunaat nunaatalu akornanni qanoq naalakkersuinikkut inerlatsinermi suleqatigiilluarnissaq pinerullugu Folketingimut sassarusuppunga, Bentiaraq Ottosen, Inatsisartunut kingullermik qinersinermi 276-inik taasiseqartoq oqarpoq.
Atassut Inatsisartuni marlunnik ilaasortaqarpoq.
Nunatsinnit Folketingimi ilaasortanik marlunnik qinersisoqassaaq, ministeriunerullu Lars Løkke Rasmussenip qinersinissaq kingusinnerpaamik sapaatit akunnerinik pingasunik sioqqullugu qinersinissamik suaaruteqarnissaa ilimagineqarpoq.
AAMMA ATUARUK Qinigassanngortittut ilisimasaqarfiginnginneri qinersisartunut unammillernartuuvoq
