Folketingimi ilaasortat imatut akissarsiaqarput
Kalaallit Savalimmiormiullu folketingemut ilaasortaatitaat, danskit folketingemut ilaasortaatitaannit aningaasarsiaqarnerulaarput.
Aningaasartuutinut tapiissutit 1.600 koruuninik amerlassuseqartut tunniunneqartarput. Akissarsiat saniatigut tapisiat katillutik 6.359 koruuniupput taakkualu akileraarutitaqanngillat.
Folketingemi ilaasortat Københavnimi ineqarnissaminnut qaammammut annerpaamik 8.000 koruuninik tapiiffigineqarsinnaaput, aammali inissaminnik Folketingemit neqeroorfigineqarsinnaallutik.
Folketingemi ilaasortat Danmarkimi timmisartut, qimuttuitsut bussit allallu atorlugit angalanerat folketingemit akilerneqartarput, aamma pisuni aalajangersimasuni angalaniaraanni taxanut akunnittarfinnilu unnuinerit folketingemit akilerneqartarput.
Folketingimi ukioq ataaseq sinnerlugu ilaasortaasimagaanni, Folketingemi ilaasortaasimanermut soraarnerussutisiaqarnissaq pisinnaatitaaffiuvoq, soraarnerussutisiat qaammammut annerpaamik 28.430 koruuniupput.
Kalaallit Nunaat sinnerlugu Folketingemut qinigaagaanni, Folketingemi ilaasortaajutigaluni kommunalbestyrelseni inatsisartunilu ilaasortaasarneq kalaallit folketingemut qinigassanngortitaasa namminneq isummerfigisussaavaat.
