FN nalunaarusiamini: Inuit niuerutigineqartartut amerleriangaatsiarput

Pinerluttut nunani tamalaani ajornartoornerit aaqqiagiinnginnerillu aqqutigalugit pingaartumik arnanik pinngitsaaliillutik kinguaassiuutitigut atornerluiniartarput.

Allattoq Ritzau

decembarip 11-at 2024 09:27

Nutserisoq Brian Jensen

Nunarsuarmioqatitsinni inuit niuerutigineqartartut silarlorujussuarnermik, silap pissusiata allanngoriartorneranik imaluunniit akerleriissuteqarnermik pissuteqartumik amerliartorput.

Taama FN-ip nalunaarutaani Reuters allappoq.

Naatsorsuinermi kisitsisit 2022-meersut naapertorlugit inuit 69.627-t niuerutigineqarsimapput.

Aamma atuarukNæsten hver fjerde ukrainer er flygtet eller fordrevet

Annerusumik pinerluttartut pinngitsaaliillutik taama inunnik niueruteqartarsimasut nalunaarummi allaqqavoq.

- Pilersaarusiorluakkanik qarasaasiat sakkugalugit uukapaasitsiniartartut, arnat niviarsiaqqallu kinguaassiuutitigut atornerlunneqartartut ilaanni innarlerneqartartut FN-ip nalunaarutaani ilanngunneqarpoq.

Aamma atuarukUkrainimi meeqqat angerlarsimaffianniittut 100.000-it qimaannarneqarataannaasut

Covid 19 sioqqullugu taama inunnik niueruteqartartut 25%-nik amerleriarsimapput. Naatsorsuineq ukioq 2019-imi suliarineqartoq sanillersuunneqarpoq.

Arnat taama atornerlunneqartut amerlanerpaajupput. Taakku 39 procentii niuerutigineqartarsimapput, niviarsiaqqallu 22 procentii niuerutigineqartarsimallutik.

Arnaanerusut niviarsiaqqallu kinguaassiuutitigut atornerlunniarlugit nuerutigineqartartut, naatsorsuinerup ersersippaa.

Nutaarsiassami kukkunermik nassaarsimaguit uunga allaffigineqarsinnaavugut.