Ukrainimi meeqqat angerlarsimaffianniittut 100.000-it qimaannarneqarataannaasut

Ukrainemi sorsunnermi inuppassuit qimarranneranni meeqqat 100.000-it missaannik amerlatigisut meeqqanut inissiisarfinniittut angajoqqaaqanngillat inersimasunilluunniit isumaginnitsissaqanngillat.

Suliniaqatigiiffik Red Barnet isumakuluuteqarluni taama tutsiuppoq.

Ukrainemi sumiiffinni amerlasuuni najugaqarfiit kiassarneqanngimmata, meeqqallu inuunermi pisariartinnerpaasaminnik pissarsisinaanngimmata, taakkualu nerisassaannik nakorsanillu ikiorneqarsinnaanerat ajornakusuuleraluttuinnarmat suliniaqatigiiffimmiit isumakuluutigineqartorujussuuvoq.

Meerarpassuit taakkua aarlerinartorujussuarmi inissisimapput taakkuami atornerlunneqarnissaannut ulorianartorsiorfimmiipput.

Meeqqallu ajunaarnersuaqarfimmiissimasut aamma ajornartorsiorfimmiissimasut illersorneqarnissaannik immikkut

ilisimasaqartoq Red Barnetimi tarnip pissusiinik ilisimasalik Anne-Sophie Dybdal oqarpoq.

- Innarluuteqaramik angerlarsimaffimminniluunniit atungarliortitaagamik meeqqat angerlarsimaffianniipput. Ikorfartorneqarnissamik pisariaqartitsisuugamik.

- Meeqqat ilaqutaqanngitsuusinnaapput isumassortissaqanngitsut sorsunnrmiillu qimaaqatissaqaratik. Meeqqat taakku inersimasunit meeqqanut iluameersumik pinissaminnik eqqarsaateqanngitsunit persariniarneqarsinnaallutik.

Atornerlunneqarnissamik aarlerinartumiittut

Taamaattumik meeqqat taakkua sianigilluarneqartorujussuusariaqarput, imaassinnaagami inersimasunit atornerlunneqartut.

Tarnip pissussaanik ilisimasallip oqarnera naapertorlugu nunani akersuuffiusuni meeqqat inersimasunit isumaginnitsineqaratillugu akisussaaffigineqanngitsut atornerlunneqarsinnaapput tuniniarneqarlutilluunniit.

Suliniaqatigiiffiup Red Barnetip kisitsisaataai naapertorlugit, Ukraine meeqqat 1,3 proocenti meeqqat angerlarsimaffiini taakkununngalu assingusuni najugaqarput.

Ukrainemi meeqqat angerlarsimaffiini najugaqartut Europami meeqqat angerlarsimaffiini najugaqartut amerlanerit ilaagaat.

Red Barnet Ukrainemi 2014-imili suliaqarpoq.