Floridami guvernøri præsidentinngorniunniaqataajunnaartoq
Præsidentinngorniunniaqataasoq, Ron DeSantis, tunuarluni Donald Trumpimullu tapersersuilluni nalunaarpoq.
- Ajugaasinnaanissamut aqqutissaqanngippat tapersersuisut piffissaajartariaqanngillat nukissatillu allamut atortariaqassallugit, Floridami guvernøri Ron DeSantis oqarpoq.
Allattoq Ritzau
januaarip 22-at 2024 10:59
Nutserisoq Mads Lynge
USA-mi naalagaaffimmi Floridami guvernøri, Ron DeSantis, republikanerit sinnerlugit præsidentinngorniunnissamut sassartut akornanniikkunnaarpoq.
Taanna inoqatinut attaveqaqatigiittarfimmi X-imi taama nalunaaruteqarpoq.
- Ajugaasinnaanissamut aqqutissaqanngippat tapersersuisut piffissaajartariaqanngillat nukissatillu allamut atortariaqassallugit, DeSantis oqarpoq.
Siornatigut præsidentiusimasumut Donald Trumpimut tapersuilluni, DeSantisip ilanngullugu nalunaarutigaa.
DeSantisip qinigassatut tunuarneratigut Nikki Haley Donald Trumpimut unammillerluarsinnaasutuanngortutut nalilerneqarpoq.
