Filmiliortartut suleqatigiinnissaat isumalluarfigineqartoq
Qulequtarineqartoq "TAKE ONE - isumassarsiamit filmiliornissap aningaasalersorneqarnissaata tungaanut" pikkorissartitsinermi pingaarnerpaatinneqassaaq.
Filmiliat arfinillit - filmiliat piviusulersaarutit pingasut, oqaluttualianit filmiliat marluk kiisalu titartakkanik filmiliaq ataaseq sammineqassapput, filmiliortartut peqatigiiffiat film.gl taama nalunaarpoq.
Aamma atuaruk Kalaallit filmiliornermik piginnaasallit pissarsiariniarneqarput
Filmiliornermik misilittagaqarluartut peqataasussat tassaapput Malik Kleist aamma Inuk Silis Høegh. Taakkua saniatigut filmiliornermik misilittagaqalaalereersut aamma peqataassapput, tassalu Pipaluk Løkke Løgstrup, taassuma filmiliaa siulleq qimussertarneq pillugu piviusulersaarut takutinneqassaaq, aammalu Minik Rosing Jakobsenip ulluinnarni inuunermi pisut pillugit filmiliaa takutinneqassalluni.
Pikkorissartitsinermi filmiliani aqqaniliusut takutinneqartussani taakkunannga arfineq-marluk piviusulersaarutaapput,
tamannalu kalaallit ulluinnarni inuunerannik filmiliorusussuseqarnermik takutitsisoq filmiliortartut peqatigiiffiannit paasineqarpoq.
- Kalaallit Nunaanni filmiliornissamut piumassuseqarluartoqarnera uppernarsillugu nuannerpoq taakkua uummamioqarlutik suliaminnik pimoorussillutik pivisunngortitsiniartarmata, filmiliortartut peqatigiiffianni siulittaasoq Pipaluk K. Jørgensen oqarpoq.
- Kalaalit Nunaanni filmiortarnissamut neriunaateqarluarpoq, Pipaluk K. Jørgensen oqarpoq.
Filmiliortartut pikkorissartinneqarnissaannut Skandinaviami filmiliornermik siunnersuillutillu misilittagaqarluartut peqatassapput, tassalu Christina Rosendahl, Helene Granqvist aama Prami Larsen.
Pikkorissartitsineq Nuummi oktobarip ulluisa 20-annit 22-ata tungaanut ingerlanneqassaaq.
Filmeliornermik soqutigisaqarluartut filmiortartut filmiliaat nunat avannarliit kulturfestivalertitsineranni takusinnaavaat, tassalu tamanna pissaaq oktobarip ulluisa 22-anni.
Aamma atuaruk Innersuaq 2014 tunniunneqarpoq
Suliniutit peqataasussatullu toqqarneqartut arfinillit tassapput:
"Allagaq / The Letter". Ilitsersuisoq manuskriptiliorpoq: Minik Jakobsen. Producer assiliisorlu: Ulannaq Ingemann
"Angut Tarraqanngitsoq". Ilitsersuisoq: Malik Kleist. Nipilerisoq/erinniortoq: Qillannguaq Berthelsen
"Arctic Nomads". Ilitsersuisoq producerilu: Pipaluk Løkke Løgstrup
"Dance with Ice". Ilitsersuisoq: Maida Hald. Producer: Ruth Montgomery-Andersen
"Piffissap Aarnuaa". Ilitsersuisut: Christian Rex, Martin Brandt Hansen, Inuk Silis Høegh
"To Verdener, Ét Venskab". Ilitsersuisoq: Pia C. Bang. Producer: Ulrik Bang
