Filmi piviusulersaarut: Inuusuttut piginnaasallit Københavnimi filmfestivalimik ammaasuussasut
Nunarsuarmi isiginnaagassiat piviusuinnik tunngavillit pillugit festivalini anginerpaami, CPH:DOX-imi Københavnimi Det Kongelige Teaterimi marsip 17-ianni ingerlanneqartussami kalaallit inuusuttut piginnaaasallit ammaasuussapput.
Kenneth Sorentop ilitsersuisuuffigisaaa ”Kampen om Grønland” Kalaallit Nunaata namminersornissamut pisinnaatitaaffiata, naalagaaffeqatigiit siunissaannik Issittumilu naalakkersuinermik ingerlatsinermut soqutiginninnerujussuup oqallisaanerannut tunngavoq.
Ilitsersuisoq filmilu pillugu:
* Kenneth Sorento 1999-imilu isiginnaagassianik piviusuinnik tunngavilinnik ilitsersuisuulerlunilu filmiliortunngorpoq.
* Filmi Ulrik Gutkinimit Copenhagen Film Company kort og dokimut suliarineqarpoq, taannalu Det Danske Filminstitutimit DR-imit suliarinneqartaasumiillu Jørgen Chemnitzimit taperneqarluni.
Tigusiffik: CPH:DOX
Festivali tusagassiuutinut nalunaarummi allappoq.
FIlmimi inuusuttut kalaallit, piginnaasallit uummaarissullu sisamat malinnaavigineqarput taakkulu Kalaallit Nunaata pitsaanerusunngortinnissaanut tamarmik immikkut sorsuutiginnittuusut, filmip nassuiaataani allassimavoq.
Pisortaq: Paasisaqarluarnarlunilu tamatigoortoq
Filmimik allamik pingaarnerusumik ammaasuusussamik kissaatissaqanngilagut, festivalip pisortaa, Tine Fischer oqarpoq.
- Filmi silatusaarutaallunilu sammisanik ilarutsitsisoq, ilisimasaqarfiuliinnanngitsoq, aammali kiffaanngissusermik pisariaqartitsinermik naalagaaffeqatigiinnullu ukiorpassuani pituttugaasimanermik paasinninnissamut pisariaqartumik inuppalaartumik qanilaarfiulersitsisoq, taanna nalunaarummini allappoq.
Festivalip pisortaata amerikamiut præsidentiata, Donald Trumpip Kalaallit Nunaat aggustimi sammilermagu tamat soqutiginnilluarnerat pingaartuutippaa.
- "Kalaallit Nunaat tuniniagaanngitsoq" oqaatigineqarpoq, akissutilli paatsuugassaanngitsup tunuani naalakkersuinikkut piviusoqarpoq, nammineq nunagisami nammineq oqartussaanissamik pisariaqartitsinermik paasiuminarnerulersitsisumik.
- Kalaallit 60 procentiisa naalagaaffeqatigiinni ilaajunnaarnissaq ullumikkut kissaatigaat. Kalaallit Nunaat naalagaaffiit pillugit politikkikkut tunngaannanngilaq, Kalaallit Nunaat allanngoriartorpoq – kinguaariit nutaat mikrofoni tiguaat, Tine Fischer oqarpoq.
”Kampen om Grønland” Nuummi kulturip illorsuaani marsip 13-ianni takuteqqaarneqassaaq, filmimilu peqataasut ilitsersuisorlu aamma takkutissapput.
