Film.gl siunissami filmiliortartussarsiortoq
Pikkorissaanerit marluusut inuussutissarsiutigalugu filmiliortartunit ingerlanneqassapput, pikkorissartullu filmiliornermik sungiusarnikkut immikkullu ilitsersorneqarnikkut filmiliornissamut sakkussaannik tunineqassapput.
Siunissami filmiliortartussat namminneq eqqumiitsuliornikkut inissisimaffitsik taamaalillutik ilinniassavaat piviusulersaarusiornermilu periaatsinik aamma ilinniarlugit.
Pikkorissaaneq siulleq juunimi pissaaq, tassanilu ilitsersuineq, nipilerineq inummullu tunngasumik oqaluttualiorneq sammineqassapput, peqataasut filmiliaminnik aasap ingerlanerani suliaqarsinnaanngorlugit.
Pikkorissaanerup aappaa septembarimi pissaaq, tassanilu killuineq katiterinerlu sammineqassapput. Pikkorissaanerillu akornanni filminik suliat pillugit skype atorlugu siunnersorneqarnissamut periarfissaqassaaq.
Soqutiginnittut film.gl-ip facebookimi quppernerani paasisaqarnerusinnaapput:
