Nunanit allanit

Fidelip angalanera kingulleq

Cubap præsidenterisimasaata Fidel Castrop arsai unnummut illoqarfimmut Santiago De Cubamut apuunneqassapput. Fidel Castrop arsai Cubami 800 kilometerit ingerlanneqarsimapput, sapinngisamik amerlanerpaat præsidenterisimasaminnut naggammik inuulluaqqusisinnaaqqullugit.

Allattoq Bibi Nathansen, Jonas Fievé, DR

decembarip 03-at 2016 18:32

Nutserisoq Bibi Nathansen

Meeqqat atuarfimmi nilliarrapput: 'Uanga er Fideliuvunga'.

Innuttaasut aqquserngup killingani inississimapput, nalaagaaffippassuarnilu qullersat naalakkersuisullu siuttuinik arlalinnik peqataaffigineqartussamik unnummut eqqaaniaanersuaq pissaaq.

DR-ip USA-mi ilanngutassiortua Stéphanie Surrugue maanna Santiago De Cubamiippoq, taassumalu oqaatigaa Castrop toqunera innuttaasunut sunniuteqarsimanera qularutissaanngitsoq.

- Pingaartumik innuttaasut utoqqaanerusut, Fidel præsidentiunerani peroriartorsimasut, immaqalu 1959-imi mumisitsineq sioqqullugu eqqaamasallit sunnerteqqapput, Stéphanie Surrugue oqarpoq.

Fidel Castrolli toqunera qanoq allannguitigissanersoq qularnarpoq, tassami 2008-mili præsidentitut tunuarpoq.

- Raul Castrolli, ullumikkut 85-inik ukioqartup, 2018-imi tunuarnissani nalunaarutigereerpaa, aatsaallu tassani allannguinerit aallartissinnaaneri cubamiut nalunngilaat, Stéphanie Surrugue Santiago De Cubamit taama oqaluttuarpoq.

Fidelip angalanera kingulleq

Aamma atuaruk