Allakkat qunusaarinermik imaqartut sivisuumik allakkerivimmiissimagunarput
Uani pineqartoq paasineqarsimasutut isigaarput, allakkanik allassimasoq kinaanersoq nalunnginnatsigu,
Kalaallit Nunaanni politiini unnerluusissussaatitaaneq Morten Nielsen oqarpoq.
Politiit oqarnerat naapertorlugu, pineqartoq tassaaavoq angut inuusuttoq Dronning Ingridip napparsimavissuani tarnimikkut napparsimasut immikkoortortaqarfiani A1-imi uninngasoq, allakkallu Namminerlutik Oqartussanut nassiuneqarneranni aamma tassani uninngavoq.
Aamma atuaruk Politiit upalungaarsimanertik taamaatippaat
Qunusaarisoqarneranut atatillugu , Namminersorlutik Oqartussani aamma pisiniarfissuarmi Nuuk Centerimi sulisut akunnerni arlalinni qimarngusimasariaqarput, Inatsisartunilu ullormi tassani oqaluuserineqartussat ullup tullianut kinguartinneqarlutik.
Politiit ingasaassillutik qisuariarsimanatik isumaqarput, naak allakkannik qunusaarutinik imaqartunik nassitsisimasoq kinaanersoq ilimagisinnaagaluarlugut.
Pisup qaangiteerikatannerani kina allakkanik nassitsimanersoq ilisimanngilarput, siusinnerusukkut allakkanik nassitsimasoq nassitseqqissimanersoq nalullutigu, susoqaraangammi politiit nersualaarneqarneq ajorput, Morten Nielsen oqarpoq.
Aamma atuaruk Politiit ittuat: Parisimi pisut sakkortuumik qisuariarnitsinnut peqqutaapput
Tarnimikkut napparsimasut immikkoortortaqarfianni A1-mi uninngasut allakkanik nassitsisinnaatitaapput aamma oqarasuaatikkut oqaloqateqarsinnaatitaapput, taama nassuiaateqarpoq A1-mi nakorsaaneq Jakob Lindholm, taama nassuiaateqarpoq. Uningasut katsorneqarnerminni allakkanik nassitsisinnaatitaapput aamma oqarasuaatikkut oqaloqateqarsinnaallutik.
Maannamut ilisimaneqartut aallaavigalgit, angutip pasineqartup allakkat qunusaarutinik imaqartut, A1-imut unitsinneqarnissani sioqqullugu Namminersorlutik Oqartussanut nassissimagunapai, Jacob Lindholm A1-imi nakorsaaneq oqarpoq.
Saaffiginnissutinik aalajangersimasunik, assersuutigalugu politiinit saaffigineqaraangatta, uningasuuterput soorunalimi aamma inuiaqatigiit sapinngisamik illersorniarlugit iliuuseqartarpugut, uanilu pisumi aamma taamaaliortoqarpoq, Jacob Lindholm oqarpoq.
Allakkanik qunusaarutinik nassitsisoqannginnissaanik suut taamaasa atorlugit iliuuseqarpugut, aamma naatsorsuutiginngilarput, piffissani assigiingitsuni allakkanik nassitsisoqarsimanissaanik.
Aamma atuaruk Nuuk Centerip matugallarneqarnera aningaasaqarnikkut kingunerlutitsivoq
Jacob Linholmip ilimaginerpaavaa, allakkat qunusaarutinik imaqartut, Namminersorlutik Oqartussanut nassiunneqartut sapaatip akunneranik ataatsimik sivisutigisumik allakkerivimmiissimasut, tamassumalu paasineqarnissaannut politiit suliassarigaa, Jacob Holmillu oqaatigisinnaannginnerarpaa, allakkat qunusaarutinik imaqartut nassiunneqartut inuup ataatsip nassiussarisimanerai, naak tamanna alalinnit ilimagineqaraluartoq.
Vicepolitimesterip Morten Nielsenip ilanngullugu nassuiarpaa, Kalaallit Nunaanni inuttussuseq eqqarsaatigalugu tarnimikkut napparsimasut amerlammata aamma persuttaasarnerit amerlallutik taamaatumillu Namminersorlutik Oqartussanut qunusaarineq politiinit ilungersunartutut isigineqartoq