Europamiut 1000-nit ikinnerunngitsut Sudanimiit qimagussorneqartut
Euroamiut 1000-nit ikinnerunngitsut Afrikap avannaata kangisissortaani Sudanimiit qimagussorneqarput.
EU-p nunanut allanut tunngasunut qullersaa, Josep Borrell, nutaarsiassaqartitsivimmut AFP-mut taama nalunaarpoq.
Sudanimi akerleriittoqarnera peqqutigalugu qimarngutitsineq sapaatit akunnerata naanerani aallartippoq.
Qimagussorneqartut ilagaat Danmarkimeersut, Norgemeersuut, Sverigemeersut Tysklandimeersullu.
Sudanimiittut danskit 15-it ippassaq sapaatip ullumilu ataasinngornerup unnuaani qimagussorneqartut, nunanut allanut ministeri Lars Løkke Rasmussen paasissutissiivoq.
Danskit qimagussorneqartut taakku maanna Djiboutimiipput.
Nnunanit allaneersut Sudanimiit qimagussorneqartut siulliit amerlanerpaartaat aallartitatut atorfeqartuupput.
Europamiullu allat qimagussorneqartussani tullernguupput.
Norskit Sudanimiittut qimagussorniarlugit norskit diplomatinik Djiboutiliartitsisoq, Norgep nunanut allanut ministereqarfia ullaaq manna ataasinngornermi nalunaarpoq.
Norgep aallartitatut atorfilittaat pingasut Sudanimiit ippassaq sapaammi ualikkut qimagussorneqartut, ministereqarfik ilisimatitsivoq.
