Tyskeq Ursula von der Leyen EU-kommissionimi siulittaasunngussasoq
EU-p oqaluttuarisaanerani siullerpaamik Europa-Kommissionimi arnamik siuttoqalerpoq.
Ursula von der Leyenip EU-mi arnat amerlanerusut kommissærinngornissaat sulissutiginiarpaa. Assi: Flickr / Global Panorama
Allattoq Ritzau
juulip 17-at 2019 12:44
EU-mi Inatsisartuni ilaasortat 60-inik ukiulik, Tysklandimi illersornissamut ministeri, Ursula von der Leyen marlunngornermi unnukkut siulittaasussatut toqqarpaat.
Toqqarneqartorli amerlanerussuteqaqqalaartunit akuerineqarpoq. Tassa tyskeq 383-it taaguunneqarpoq, 327-llu allamik taasillutik.
Siulittaasunngortup EU-mi arnat amerlanerusut kommissærinngornissaat sulissutiginiarpaa.
Tamatuma saniatigut sila pillugu pilersaarsiorniaq ingerlanniarpaa, Europallu 2050-imit siulliulluni mingutsitsiunnaartussanngornissaa sulissutiginiarlugu.
Ursula von der Leyenip maanna siulittaasoq, Jean-Claude Juncker novembarip aallaqqaataaniit taarsissavaa.
