Tuluit EU-mi nunanut Tuluit Nunaata imartaani aalisarsinnaatitsissasut Barnierip qasseeriarluni erseqqisaatigaa. Tamanna Danmarkimut EU-milu nunanut allanut immikkut pingaaruteqarpoq.Assi: Kenzo Tribouillard/AFP/Ritzau Scanpix

EU tulunnut: Aalisarneqartinnagu niuernermik isumaqatigiissuteqarfigissanngilassi

Tuluit Nunaat EU-lu siunissamut atuuttussamik isumaqatigiissusiornissamut qaammatinik aqqanilinnik periarfissaqarallarput.

Tuluit Nunaat EU-mi ilaasortatulli pitsaatigisumik pissarsiassaqanngillat, tuluilli ”angusaqarluarniarfiusumik niuernermut isumaqatigiissuteqarsinnaapput”.

EU-p isumaqatiginniarnermut pisortaa, Michel Barnier tuluit europami suleqatigiinnermik ilaajunnaarneranit ullualuit qaangiutiinnartut taama oqarpoq.

Tuluilli EU-mi nunanut Tuluit Nunaata imartaani aalisarsinnaatitsinissaat piumasariniarpaa.

Niueqatigiinnissamut isumaqatigiissuteqarnissamut tamanna ”avissaartitassaanngitsutut” piumasaqaatertaqarpoq.

AAMMA ATUARUK Tuluit Nunaat EU-mi ilaasortaajunnaalersoq

Taassuma EU-mi ataatsimiititaliarsuup EU-mi qinikkamut saqqummersitaa Tuluit Nunaata EU-llu siunissamut atuuttussamik isumaqatigiinnialinnginnerani ataasinngorpat saqqummersissavaa.

- EU akissatut aalajangersagartaqanngitsumik pisassiissutitaqanngitsumillu angusaqarfiulluartussamik niuernikkut isumaqatigiissusiornissamik neqerooruteqarnissamut piareersimavoq, Barnier oqarpoq.

Tuluit Nunaanni taamaattumik isumaqatigiissuteqarusukkuni ”EU-mi malittarisassat akuereqqaassavai”.

AAMMA ATUARUK Vivian Brexitimut atatillugu neriorsuuteqarfigineqanngitsoq

Aammattaaq tuluit EU-mi nunanut Tuluit Nunaata imartaani aalisarsinnaatitsissasut Barnierip qasseeriarluni erseqqisaatigaa. Tamanna Danmarkimut EU-milu nunanut allanut immikkut pingaaruteqarpoq.

- Tuluit Nunaatalu EU-mi nunat tuluit imartaanni aalisarsinnaanissaannut piumasaqaat akuerissavaa. Pisassiissutit avinneqassapput, Barnier oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat