EU-p puisit amii pilerisaarutiginianngikkai

Puisit amii pillugit EU-mi peqqussummi Nunatta puisit amiinik EU-mut tunisisinnaanera paasititsiniaassutiginissaanut kommissioni siorna ukiassakkut pisussaaffilerneqarpoq.

Nunat assigiinngitsut puisinniarfiusartut puisit amiinik EU-mi niuersinnaatitaanissaannut Kalaallit qallunaallu sulissuteqareersut tamanna pivoq.

Puisinniarnerli pillugu paasissutissanik EU-p nittartagaanut immersuinissaq nunanilu EU-mut ilaasortaasuni akitsuuserisoqarfinnut aallartitaqarfinnullu paasititsiniaanissaq anguniarneqarpoq.

Paasititsiniaanerli inunnut tunngasuunnginnerarlugu politikerit Nunatsinneersut 
Danmarkimeersullu ukiup aallartilaaraa isornartorsiuipput.

EU-kommissionilli Puisit amiinik piseqqusaarusiornissamut akisussaaffeqanngitsoq, taamaattorli tamanut oqartussanullu paasititsiniaanissani suliassarigaa, nunanut allanut tunngasunut ministereqarfik Folketingip Kalaallit Nunaannut tunngasunut ataatsimiititaliaanut akissuteqarpoq.