Hvideruslandimi qinersinerup kingorna akerliussutsimik takutitsisut ikinnerpaamik 6700-t tigusaarineqarput.Assi: Scanpix

EU Hvideruslandimi pisunut akuliuttoq

Hvideruslandimi qinersisoqareernerani akerliussutsimik takutitsisut ikinnerpaamik 6700-t tigusarineqarput. Taamaattoqarnera EU-mit kinguneqartinnianeqalerpoq.

EU Hvideruslandimi atorfilittat iliuuserisimasaannut kinguneqartitsiniarpoq. Hvideruslandimi sapaatiummat qinersineq naammassimmat illuatungiliuttut akerliussutsimillu takutitsisut atorfilittanit sakkortuumik pissusilersorneri EU-mit kinguneqartinneqarniarlerpoq.

EU-p nunanut allanut ministereqarfia ippassaq tallimanngornermi taama nalunaaruteqartoq nutaarsiassaqartitsivik Ritzau taama allaaserisaqarpoq.

- Hvideruslandimi pisut isumakulunnarput. Eqqissisimasumik akerliussutsimik takutitsisunut tusagassiortunullu sakkortuuliornerit akueriuminaapput. Europap ilaani pissutsit kanngunarlunnartut, danskit nunanut allanut ministeriat Jeppe Kofoed oqarpoq.

Hvideruslandimi akisussaasut qanoq pineqassanersut EU-mi maanna piareersarneqaleruttortoq nutaarsiassaqartitsivik ilanngullugu allaaserisaqarpoq.

Hvideruslandimi qinersinerup kingorna akerliussutsimik takutitsisut ikinnerpaamik 6700-t tigusaarineqarput. Qinersineq "kiffaanngissusilimmik pissusissamisoortutullu" pinngitsoq EU-p siornatigut isornartorsioreerpaa, politiillu pissusaat sakkortuiallaarnerarluni.

 

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat