Kulturi

Saqqummersitsineq: Eqqumiitsuliortut tupilaliaannik saqqummersitsilersut

Tupilappassuit pillugit Nuummi Eqqumiitsulianik Saqqummersitsivimmi sisamanngornermi decembarip arferngani ualikkut nal. tallimanut saqqummersitsineq ammaanersiorneqassaaq.

Allattoq Bikki P. Kleist

decembarip 05-at 2018 07:22

Eqqumiitsuliortut 13-it immikkut tupilaap qanoq isikkoqarneranik suliaqarsimasuupput.

Ilaasa tupilaat nutaajunerusut, graffitilioriaatsinit isumassarsiat tunngavigalugit qalipagaapput, marrarmillu tupilaliaat nutaaliaallutik.

Mike Kristiansen: Qulequtsigaanngitsoq, 2010. Asseq: Nuummi Eqqumiitsulianik Saqqummersitsivik.

Eqqumiitsuliortup Maria Kreutzmannip tupilannik katersugaatai nutaanerillu saqqummersissavai.

Kalaallit eqqumiitsuliortut nutaajunerusut tupilannik nutaarluinnarmik eqqumiitsuliortarnerat, Nuummi eqqumiitsulianik saqqummersitsiviup takutikkusuppaa - Oqariartuullu tassaavoq: Ukioq 2018-imi tupilak sunaava?

Nuummi Eqqumiitsulianik Saqqummersitsivik aaqqissuussisuuvoq

Eqqumiitsuliortut:
Anne-Birthe Hove (1951-2012),
Arnannguaq Høegh, (f. 1956)
Coco Apunnguaq Lynge (f.1991),
Gukki Nuka Willsen Møller (f. 1965),
Jakob Maqe Nielsen (f. 1982),
Jessie Kleemann (f. 1959),
Johan Markussen (1906-1994),
Jonatan Brüsch (f. 1986),
Kârale Andreassen (1890-1934),
Maria Kreutzmann (f. 1985)
Mike Kristiansen (f. 1971),
Pia Arke (1958-2007),
Rikke Diemer.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.