Eqqumiitsuliortorsuaq pillugu atuagarsuaq: Anne-Birthe Hove
Atuakkap piviusunngornissaanik suliniuteqartuuvoq Anne-Birthep nuleernera Thomas Stensgaard aaqqissuisuullunilu Jørgen Chemnitz, atuakkami Anne-Birthep suliaanik aamma assiliisuusoq.
Aamma atuaruk Anne-Birthe Hovep suliaanik Odensemi saqqummersitsisoqalersoq
PAASISSUTISSAT
Anne-Birthe Hove (1951-2012) Kalaallit Nunaannit eqqumiitsuliortunut nuimanerpaanut ilaavoq. Kunstakademiimi Københavnimiittumi, Grafisk Skolemi kiisalu Kunstpædagogisk Skolemi ilinniarsimavoq ukiorpassuarnilu Danmarkimi eqqumiitsuliortut kattuffiat Koloristerne ilaasortaaffigalugu. Nunatsinni eqqumiitsuliortut kattuffiat KIMIK pilersitseqataaffigaa ukiorpassuarni siulittaasuuffigalugu, taamatullu aamma Kalaallit Nunaanni eqqumiitsuliortunut katersugaasivissamik pilersitsiniartut siulersuisuini ilaasortaalluni.
2012-imi, piaarpallaaraluqisumik toqunissi sioqqutitsiarlugu Kalaallit Nunaanni Namminersorlutik Oqartussat Kulturikkut nersornaasiuttagaannik nersorniarneqarpoq.
.
Atuagaq kingumut qiviarneruvoq, eqqumiitsuliortutut inuunermut eqqumiitsuliortutullu suliarpassuarnut. Inuit suleqatitut inuttullu Anne-Birthe Hovemut qanittut ilanngussisuupput – suliarpassuinillu assiliartaqarluni. Naqiterisitsisarfik Milik Publising tusagassiorfinnut nalunaaruteqarluni taama allappoq.
Atuagaq naqiterisitsisarfimmit Milik Publisingimit saqqummersinneqarput makkungannga tapiissuteqarfigineqarluni: Namminersorlutik Oqartussat, Kommuneqarfik Sermersooq, Statens Kunstfond, Det Kongelige Grønlandsfond, Bornholms Kunstråd, NunaFonden, 15. Juni Fonden, DGO-Fonden kiisalu Juullip Nipitittagaa.
