Assi: Soluluyna Familia

Eqqartuussivik: Arctic Sunrisep ajoqusernerinut Rusland taarsiissuteqassaaq

Umiarsuup Arctic Sunrisep issittup imartaani 2013-imi russinit ikiffigineqarnera naalagaaffiit akornanni inatsisinik unioqqutitsineruvoq. Nunat tamalaat akornanni immani pisinnaatitaaffiit pillugit eqqartuussivik nutaarsiassaqartitsivimmut Ritzaumut taama ilimatitsivoq.

Greenpeacep umiarsuaata Arctic Sunrisep 2013-imi avatangiisinik illersuiniarluni akerliussutsimik takutitsinermut atatillugu russit oqartussaasuinit unitsinneqarnera, kingornalu Murmanskiliartinneqarnera pillugu suliami Rusland Hollandimut taarsiissuteqartussanngortitaavoq.

Greenpeacep umiarsuaani Arctic Sunrisemiittut - taakkununnga ilaalluni aquttut pingajuat Anne Rie Roer Jensen Danmarkimeersoq - Gazpromip Issittup imartaani uuliasiorluni qillerivianut akerliussutsimik taamani takutitsipput.

AAMMA ATUARUK Avatangiisinik illersuiniaq Danmarkimeersoq imaani piiasutut unnerluutigineqarpoq

AAMMA ATUARUK Greenpeacep umiarsuaa Ruslandimit aallaqqusaalerpoq

Nunat tamalaat akornanni immani pisinnaatitaaffiit pillugit eqqartuussiviup aalajangiinera naapertorlugu, Arctic Sunrisep atortuinik umiarsuullu inuttaanik ajoqusiisoqarsimaneranut Holland taarsiivigineqassaaq taakkulu ernialersugaassallutik, eqqartuussivik ippassaq ataasinngornermi taama ilisimatitsivoq.

Rusland taamaalilluni Anne Mie Roer Jensenimut inuttallu sinnerinut suli annertussusilerneqanngitsumik taasiissuteqartussanngortinneqarpoq.

Aningaasatigulli taarsiissuteqartoqarnissaa Greenpeacemit ilimagineqarpallaanngilaq, Ruslandimi suliap eqqartuussivimmi suliarineqarneranut maannamut peqataaffigiumasimanngilaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat