Naak Anne Mie Roer Jensen umiarsuup inuttai allat 29-it peqatigalugit ullut hundredet tigummisaareerlutik decemberi naalersoq iperangaangaluartut, Gazpromip oliasiorluni qillerineranut akerliuniareerlutik, umiarsuaat aallatsaaliorneqarsimasoq Greenpeace nalunaarpoq.
- Arctic Sunrise naapertuilluanngitsumik sivisoqisumik aallatsaaliorneqarsimasoq, nutaarsiassaavoq nuannersoq tusarlugu maanna aallarsinnaalersoq. Anne Mie ilanilu 29-it eqqissisimalluinnartumik Issittup imartaani Gazpromip oliasiorniarneranut akerliuniarput. Taama isornartorsiorneqarneq tusarusussimanngilluinnarpaat, Issittoq pillugu Greenpeacemi akisussaasoq Jon Burgwald oqarpoq.
Taanna ilanngullugu oqarpoq, qillerinerit Gazpromip ingerlatai Issittumi pinngortitamut soqqusaalliornerusut, Greenpeace-llu akerliuniarnini ingerlatiinnarumaarai.
- Isertorusunngilara, russit qisuariarnerat akerliusinnaanermut piginnaatitaaffimmut peqqusersiornerusoq, piginnaatitaaffigaarput illersortuarumallugulu. Tamanna Issittumi aatsaat taama pingaartigilersoq, Jon Burgwald oqarpoq.