Emanuel Nûko pinngitsuutinneqarpoq
Emanuel Nûko eqqissiallakkallarsinnaanngorpoq
Taanami eqqartuussiveqarfimmi Sermersooq Tasiilami ullumi sapaammi pinngitsuutinneqarpoq
Emanuel Nûko Naleqqameersoq, inatsiartunut ilaasortaavoq, Kommuneqarfik Sermersuumilu kommunalbestyrelsinut ilaasortaalluni.
Emanuel Nûkop eqqartuussaanissani siorna septembarimi nammineerluni paasissutissiissutigaa, tamatumalu kingorna Inatsisartut matoqqasumik ataatsimiinnerminni taassuma unnerluutigineqarsinnaannginneranik atorunnaarsitsinissartik aalajangerpaat.
Emanuel Nûko unnerluutigineqarnermi kingunitsianngua Inatsisartunit Kommuneqarfik Sermersuumiillu sulinngiffeqannginnissamik qinnuteqarpoq.
Inatsisartunut ilaasortaq nakuusersimasutut politiillu peqqussutaanik malininngissimasutut unnerluutigineqarpoq
Unnerluutigineqartunut marlunnut Emanuel Nûko pinngitsuutinneqartoq, illersuisua Naja Joelsenip KNR-imut tamanna upernarsarpaa
Taassuma aamma oqaluttuaraa, suliap ingerlateqqissinnaaneranut unnerluussisussaatitaasoq ulluni 14-ni eqqarsarnissamut periarfissaqarnissaminik kissaateqarsimasoq. Taamaattumik suliaq ingerlateqqinneqassanersoq suli ilisimaneqanngilaq.
Unnerluussisussaatitaasup piumasarigaluarpaa, Emanuel Nûko ulluni 30-ni pineqaatissinneqarsimasunnut inissiisarfimmiittussanngortinneqarnissaa.
AAMMA ATUARUK Politiit Emanuel Nûko aalakoortoq qasilitsortalimmik seqqaraat
Tigusarineqarpoq seqqartaammmillu qasilitsortalimmik seqqararneqarluni
Emmanuel Nûko nakuuserniartutut pissusilersorsimanera tamanullu ammasumi toqqissiviilliorsimasutut maajip ulluisa 16-anni 2021-mi unnukkut qulinngoriitsiartoq Tasiilami tigusarineqartoq, unnerluussisussaatitaasup allagaani tamanna takuneqarsinnaavoq.
Politiit peqqussutaannut naalakkumanngilaq, politiinullu qunusaaraluni.
Politiit Emanuel Nûko seqqartaammik qasilitsortalimmik seqqarpaat, tigusaralugulu..
Unnerluussut naapertorlugu Emanuel Nûko unnerluutigineqarpoq politiit malittarisassaannik uinioqqutitsisimasutut Kommuneqarfik Sermersuup malittarisassaanik paragraf 18-ip immikkoortuani 3-mik kiisalu pinerluttulerinermik inatsimmik 88-mik unioqqutitsisimasutut
Kommuneqarfik Sermersuumi politiit ileqqoreqqusaanik unioqqutitsineq tassaavoq, politiit peqqussutaannik unioqqutitsineq imaluunniit malinnikkusunngitsoq.
Pinerluttulerinermi inatsimmi paragraf 88 nakuusersimanermut tunngassuteqarpoq
