Elite Sport Greenland siulersuisunut siulittaasortaartoq
Elite Sport Greenland (ESG) siuilersuisuinut siulittaasortaarpoq.
ESG-mi siulersuisunut siulittaasumut tullersortaasimasup, Nikolaj Christoffersenip Malik Hedelund Olsen siulittaasutut atuuffimmit tunuartoq taarserlugu siulittaasunngorpoq.
- Suliap ingerlateqqinnissaa qilanaaraara piffissarlu aggersoq qilanaaraara, tassani ataatsimoortumik periuseqarnissaq suli annertunerusumik qitiutissavarput piginnaanillillu sullinneranni suli annertunerusumik iliuuseqarluta, Nikolaj Christoffersen oqarpoq, siulittaasuusimasullu suliarisimasai nersualaarutigalugit.
Siulittaasunngortoq Kalaallit Nunaanni timersortarnermi 1987-imili ilaalerpoq, ilaatigut assammik arsarnermi floorballimilu peqataasarluni. Nikolaj aaqqissuussaanermi aqutsinermilu HD-mik ilinniagaqarpoq, TELE-POST-imilu immikkoortortami pisortaalluni.
Inooraq Brandt siulittaasup tullersortaatut atuutilerpoq, Lena Ravn Davidsenillu Hegelund Olsen taarserlugu siulersuisunut ilaasortaalerluni.
Malik Hegedelund Olsenip Air Greenlandimi siulersuisunut ilaalernini pissutigalugu ESG qimappaa.
Elite Sport Greenlandip kalaallit timersortarneranni pikkorissut piginnaanillillu tapersersortarpai.
