Dronningip Nuummut tikeraarnerani ulloq kingulleq: Eqqaassutissaq biskoppinngortitsinerlu

Droninngip eqqassutissaq Nuutoqqamiittoq sapaammi uleerpaa. Taanna taassuma aataavata Dronning Alexandriallu 1921-mi tikeraarneranit eqqaassutissamiippoq.

Dronningimut aalateriartorlutik Nuutoqqamut orniguttorpassuupput.

Tamatuma kingorna Hans Egedep oqaluffianut biskoppinngortitsiartortoqarpoq. Paneeraq Siegstadimi nunatsinni biskoppinngortinneqarpoq.

Biskoppinngortitsineq ilagiit naalagaaffianni pisartut annersaasa ilaraat, biskoppinngortitsinermi danskit biskoppit arfinillit savalimmiunilu biskoppi aamma peqataapput.

Dronningi biskoppinngortitsisoqarnerata kingorna kulturikkut illorsuarmukarpoq, tassani tamanut kaffillertoqarpoq. Kommuneqarfik Sermersuumi borgmesteri, Charlotte Ludvigsen biskoppinngortorlu tassani aaqqissuisuupput.

Dronning Margrethe Nuutoqqami Hans Egede illuani ualikkut kingusissukkut tusagassiortunik katersortitsivoq.

Ulloq Hotel Hans Egedemi biskoppi peqatigalugu nereqatigiinnermik naggasernerpoq.