Dronningi: Nunatta aningaasaqarniarnera politikkikkullu aqutsineq ilugersunartorsiorfiusimapput

- Ukiumi qaangiutilersumi Kalaallit Nunaat politikkikkut najummarnartorsiorfiusimavoq taamatullu aningaasaqarnikkut ajornartorsiuteqarsimalluni. Ajornartorsiutit taakku atugaalernissaat, ukiup ataatsip matuma siorna takorloorneqarsinnaasimanngillat. Taamaattumik neriuutigaarput ukioq nutaaq tassaassasoq, Kalaallinut inuiaqatigiinnut nutaamik aallartiffigissaq.

Dronning Margrethe Aappaat oqarpoq imalu nangilluni.

- Naak ajornartorsiutit annertugaluartut taamaattoq kalaallit uummammik pisumik inussiarnersuunerat qiimasuunerallu allanngunngillat. Tamanna takutinneqarpoq, Kunngissakkut ilaqutariit tamarmiullutik Kalaallit Nunaannut tikeraarnerisa nalaani.

Dronning Margrethe Aappaat oqarpoq Savalimmiormiunullu aamma ima inuulluaqqusilluni oqalugiarluni.

- Savalimmiormiut ukiumi qaangiutilersumi erloqinartunik imatut misigisaqarsimanngillat. Tassami inuiaqatigiit taakku sapiissuseqarput nukittussuseqarlutillu nunat tamalaat Savalimmiunut piumasaqaataat atugassarititaallu eqqarsaatigalugit.

Dronning Margrethe Aappaat oqarpoq imalu Savalimmiormiunut Kalaallinullu naggataatigut inuulluaqqussuteqarluni.

- Savalimmiorminut Kalaallinullu tamanut kissalaartumik qamanngalu pisumik ukiortaassamik pitsaasumik atugassaqarnissaannik kissaassillunga inuulluaqqusivunga. Savalimmiunut Kalaallit Nunaannullu aappaagu aasami tikeraarnissarput uingalu prins Henrik, qilanaaraarput erinigilereerlutigulu.

Dronning Margrethe Aappaata ukiortaami oqalugiarnermini Naalagaaffeqatigiit pillugit ilaatigut taama oqarpoq.