Dronningi atuakkamik tunisippoq maannalu Katuamut nereqataajartorluni

Dronning Margrethe Hans Egede-p tikinnera pillugu atuakkiamik tunisippoq, kingornalu Katuamut nereqataajartorluni.

Dronningi Nuummut ataatsip missaani tikissimatsiarluni Ilisimatusarfik aqqusaarpaa.

Tassani kristumiuussutsip Kalaallit Nunaannut eqqunneqarneranit ukiut 300-t qaangiunneri malunnartinniarlugit nalliuttorsioqataavoq.

Tassani aamma ilisimatusarfiup rektoria, Gitte Adler Reimer, naapippaa. Aage Rydstrøm-Poulsen atuagaq ”Hans Egede-t Kalaallit Nunaannut tikinneranit ukiut 300-t qaangiunneranni upperisaq inuiaqatigiillu” pillugu aamma oqalugiarpoq. Taanna atuakkioqataanikuuvoq.

Aage Rydstrøm-Poulsen-ip atuagaq marlunngorlugu dronningimut tunissutigaa. Kalaallisut qallunaatullu.

Taava Naalakkersuisut siulittaasuat, Múte B. Egede qaaqqusisoralugu, dronningi Katuamut nerersuaqataanermut peqataajartorpoq.

Aqagu dronningip aatami Dronning Alexandrine-llu 1921-mi tikeraarnerat eqqaaniarlugu, Sissiukkami eqqaassutissap allagartassaa quiissavaa.

Tamatuma kingorna birksippinngortitsisoqassaaq, Katuami kaffisoqatigiittoqarluni, tusagassiortunik katersuutsitsisoqareerpallu Hotel Hans Egede-mi biskoppi nutaaq ilagalugu nereqatigiittoqassalluni.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl