Dronning Margrethe ukiuni 50-inngortorsiornini pillugu: Dronninnginngortussaananga inunngorpunga

Dronning Margrethe dronninginngornerminit ukiuni 50-inngortorsiornermi nereqatigiinnermi dronningitut sulinermini nuannaarnermik qujamasunnermillu misigisimajuaannarsimalluni tikilluaqqusilluni oqalugiarnermini oqaatigaa.

- Dronninginngortussaananga inunngorpunga, kisianni tunngaviusumik inatsit 1953-mi allanngortinneqarmat inuunera allanngorpoq.

Tunngaviusumik inatsisip allanngortinneratigut arnat Danmarkimi kunngikkormiut qullersaattut inissisimasinnaalerput.

Dronning Margrethep dronninngitut atuunnissani iluatsissagaa ataataata upperiuaannarsimagaa ataatanilu inuusunnermini tapersersortigilluarsimallugu Margrethe oqalugiarami oqarpoq.

- Uiga Prins Henrik saninni ukiut tulliuttut amerlasuut asannittumik tapersortigiuarsimavara Dronning Margrethe oqalugiarnermini oqarpoq.

Dronning Margrethep anaanani dronning Ingrid sanimini ukiuni 25-ni isummersortigisimanera nuannaarutigalugu ilanngullugu oqaatigaa.

Assi © : Scanpix

Kunngissap oqalugiarnermi kingorna anaanani eqippaa

Dronningip kunngissakkut, prins Joachim aamma prinsesse Marie oqalugiarnermini aamma qujassuteqarfigai.

- Akisussaassusermik pingaartitsinissinnut suliaqarumatunissinnullu qujanarujussuaq, dronningi oqarpoq.

Dronning Margrethe dronningiunermini januaarimi ukiuni 50-nnngortorsiorpoq, coronamilli tuniluunneq pissutigalugu tamatuma nalliuttorsiutigineqarnissaa kinguartinneqarluni.

Kunngissap Frederiup anaanaminut dronning Margrethemut oqalugiarnermini, nammineq anaanamitut umiarsuarmi aquttutut piumaarluni oqarpoq.

- Mallersumi allat seeqqummeqqasut illit nukorfasarputit, taanna Dronnging Margrethep kunngittut atuunnerminik ukiunik 50-innngortorsiutiginerani nalliuttortsiorluni nerersuaqatigiinnermi oqarpoq.

- Piffissanngorpat umiarsuaq ingerlateqqikkumaarpara, avitseqatigiissutigut useralugit, kunngissaq oqarpoq.

Dronningip nalliuttorsiutigineqarnera isiginnaartitsisarfimmi Det Kongelige Teaterimi arfininngornikkut aamma malunnartinneqarpoq. Kunngikkormiut Vor Frue Kirkemi naalagiartitsisoqarnerani sapaammi aamma peqataapput.

Dronning Margrethep oqalugiannginnermini qaaqqusat nikueqqullugit dronning Elizabeth sisamanngornermi 96-inik ukioqarluni toqusoq pillugu minutsimi ataatsimi nipaallisimaqataaqquai.

Kunngikkormiut qaaqqusatik Kalaallit Nunaanni umimmaap neqaanik nerisinneqartut nittartakkaminni allappaat.