Dronning Margrethe Københavnimi arfininngorpat nalliuttorsiutigineqassasoq

Dronning Margrethep ukiuni 50-ini dronningiusimanerata Københavnip aqquserngani nalliuttorsiutigineqarnissaata ullussareqqaagaanit qaammatit qulit qaangiuttut arfininngorpat nalliuttorsiutigineqassaaq.
Dronning Margrethep ukiuni 50-ini dronningniunera Københavnip aqquserngani aamma Københavnip Rådhusiani arfininngornermi novembarip aqqaneq-aappaat 2022 nalliuttorsiutigineqassaaq. Assi © : Scanpix
novembarip 07-at 2022 10:49

Dronning Margrethep ukiuni 50-ini dronningniunera Københavnip aqquserngani aamma Københavnip Rådhusiani arfininngornermi novembarip aqqaneq-aappaat 2022 nalliuttorsiutigineqassaaq.

Nalliuttorsiorneq ukioq manna januaarip 14-ianni pisussaagaluarpoq. Ukiunillu 50-inik nalliuttorsiutiginninnissaq arlalerlugu kinguartinneqarpoq.

Danmarkimi ukioq coronamik tuniluutingaatsiartoqarpoq, taamaammat Dronning Margrethe sapaatip akunneranik sivisussuseqartumik nalliuttorsiutigineqarnissaa septembarimut kinguartinneqarpoq.

Nalliuttorsiornissamut ullualuit sioqqullugit tuluit Dronningiata Elisabethip toqunera nalunaarutigineqarpoq. Dronning Margrethep kissaateqarneratigut nalliuttorsiornissaq kinguartinneqaqqippoq.

AAMMA ATUARUK Dronningip ukiuni 50-inik nalliuttorsiutigineqarnissaa aggulunneqartoq

Taamaakkaluartorli politikerit, tusaamasat kunngikkormiullu Christiansborg Slotimut qaaqqusaanerata aalajangiusimaneqaannarnissaa aalajangerpaa.

Dronningi Det Kongelige Teaterimi nalliuttorsiornermi isiginnaartitsinikkut aamma nalliuttorsiutigineqarpoq.

Dronningilu arfininngorpat nalunaaqutaq ataatsimut Gardgehusarregimentip ingerlaateqatigiittunit ingerlanneqarluni Københavnip Rådhusianukarpat tamanut nalliuttorsiortitsisoqassaaq.

Tamatuma kingorna Dronning Margrethe Rådhuspladsip aneersuartarfiatigut anillassaaq.

Tamatumalu kingorna Københavnip Kommuniani politikkikkut qullersamit, Sophie Høestorp Andersenimit (S) ilassineqassaaq, taannalu Dronningimut oqalugiaateqassaaq. Aaqqissuussineq Rådshusip inersuani sutoqatigiinnermik aliikkusersuinermillu naggaserneqassaaq.