Dronningip ukiuni 50-inik nalliuttorsiutigineqarnissaa aggulunneqartoq

Dronning Margrethe Christiansborgip illussaarsuani januarip ulluisa 14-ianni 1972-imi naalagaaffiup kunngeqarfiani Dronningitut suaarutigineqarpoq. Tamanna ataataata Kong Frederik qulingiluaata ulloq toqquiani pivoq.

Tassalu Dronninginngoramili tallimanngorpat ukiut 50-it qaangiunnerat nalliuttorsiutigisinnaavaa.

Ullorli taanna pilersaarutimitut nalliuttorsiutiginavianngilaa. Pilersaarutimmi ilaat coronap tuniluunnerata unitsippai.

Ullormi tassani pingasunik pisoqassaaq.

Dronning ullorsiornini aallarnerlugu, Christiansborgip illussaarsuani H.K.H. kunngissaq peqatigalugu nalunaaqutaq qulingiluaniit Naalagaaffiup killiffia pillugu paasissutissiisoqassaaq.

Ataqqinartorsuaq paasissutissinneqareeruni kunngissaq nulialu peqatigalugit Folketingip pisortatigoortumik nalliuttorsiutiginninneranut najuukkiartussaaq. Nalunaaqutaq qulinut tamanna pissaaq.

Akunnerit marluk qaangiunneranni, tassa ulloqeqqarpat, H.M. Dronning Frederiup qulingiluaata, Dronning Ingridillu ilerranut Roskildip oqaluffissuaniittuni nigaliliinermi peqataassaaq.

Kunngikkormiut tusagassiisartuat, tusagassiuutinut nalunaarummi taama allapput.

Sepembarimut kinguartitsineq

Dronningip ukiunik 50-inngortorsiornerani pilersaarutit januaarip qiteqqunnerani 2022-imi pisussat ilaat, septembarip qulinganut aqqarnganullu 2022-imi aatsaat nalliuttorsiutigineqarumaarput.

Taakku ilagaat Københavnip Rådhusiani nalliuttorsiorpalaartitsinissaq, Konngikkormiunut isiginnaartitsisarfissuarmi nalliuttorsiorpalaartunik isiginnaartitsinissaq, Københavnip oqaluffissuani nalliuttorsiorpalaartumik naalagiaqatigiinneq, kiisalu Christiansborgip illussaarsuani nalliuttorsiorpalaartumik nerersuaqatigiinneq tusarnaartitsinertalik.

Dronningi Dronning Margrethip siulliata arnani kunngitut inissisimasuni siullerpaavoq.

Christian sisamaat Kungitut Danmarkimi kisimi sivisunerpaamik inissisimasimavoq, Dronning Margrethelu tulliuvoq.

Kunngikkormiut nittartagaanni - Kongehuset.dk-mi Dronningip nunamut kunngiunerminik ukiunik 50-nngfortorsiuineranut tunngasumik qupperneqarpoq, paasissutissallu nalliuttorsiornermut tunngasut tassaniittut nutarterneqallattaassapput.

tuluit Nunaata Dronningiat, Elizabeth aappaat, dkunngisut juup aapaani 1953 niaqoruserneqartoq, kunngini arnaasuni nunarsuarmi sivisunerpaamik issiasimasuuvoq.