Dronning Magrethe Købehavnimi juutit naalagiartarfianni eqqaaniaanermi peqataassasoq
Hamasikkormiut Israelimiunik saassussineranni toqutaasut Købehavnimi juutit naalagiartarfianni aqagu arfininngornermi eqqaaniaarneqassapput.
Eqqaaniaasoqarnerani Dronning Margrethe peqataassaaq.
Taassuma saniatigut ministeriuneq Mette Frederiksen, nunanut allanut tunngasunut ministeri Lars Løkke Rasmussen aamma Israelip Danmarkimi aallartitaa David Akov oqalugiassapput.
Eqqaanianeq aqagu unnukkut arfineq pingasunut pissaaq.
Gazami sumiffinnit assigiinngitsunit Israel saassunneqarpoq.
Palæstiinamiut saassussinerat Israelimiunit akineqarput.
Israelimiut peqqarniisaarniatullu isigineqartut Hamasikkut akornanni akersuuttoqarnerani palæstiinamiut 1537 -it toqutaaput, taakkunannga meeqqat 500-it arnallu 276-it toqutaallutik.
Israelmiut silaannakkut saassussineranni inuit 6000-it ikilerneqartut Gazami peqqissutsimut ministereqarfik taama paasissutissiivoq.
Israelimiut sakkutuuinit nalunaarutigineqartut kingulliit naapertorlugit Israelimiut 1200-nik sinneqartut toqutaasimapput.
Hamasikkullu sapaatit akunnerata naanerani saassussimmata inuit 3000-it ikiligaasimapput.