QIMMIT NAPPAATAAT Dorph aamma qimmit akiuussutissaat Qeqertamukassapput

Borgmesteri, uumasut nakorsaat Ilulissanilu qimmilerisoq, ullup ingerlanerani nunaqarfiliarunik, qimminut akiuussutissat pisariqartinneqaqisut nassassavaat. Manna tikillugu qimmit 70-it sinneqartut qimmit nappaataannik napparsimallutik toqupput.
Qeqertami innutaasut ataatsimiisinneqassapput, qimmit nappaataat pillugu paasissutissiisoqassalluni.

Aamma atuaruk Qeqertami qimmit 70-it toqunneqartariaqartut  

Kommunep aamma uumasut nakorsaata maanna paasiniarpaat, Qeqertami qimmit qanoq amerlatiginersut, qimminut akiuussutissat naammattut nassarneqassammata.
Qaasuitsup kommuniata Qeqertami Illu Sullissivik kajumissaarpaat Qeqertami  qimmilerisussarsioqqullugit.  
Pisortat Qeqertami tikeraarneranni, Qeqertami innuttaasut qimmit akiuussutissanik kapineqartarnerannik ilinniartinneqassapput.

Aamma atuaruk Dorph uumasut nakorsaanik kissaateqarpoq

Qaasuitsup kommuniani borgmesteri aamma Namminersorlutik Oqartussani uumasut nakorsaat Qeqertamut angalanissaq pillugu radioaviisimit oqaaseqartinniarneqaraluarput, taakkuali tusagassiuutinut nalunaarut ullup qeqqata siorna nassiunneqartussaq innersuussutigaat,  uumasut nakorsaat Jennifer Andersen inuussutissat pillugit naalakkersuisoqarfimmit taama nalunaarpoq.

Aamma atuaruk Dorph uumasut nakorsaanik kissaateqarpoq

Aamma atuaruk Qeqertamut Saqqamullu qimusserlunilu qamuteralannik angallattoqaqqusaajunnaarpoq

Aamma atuaruk Allaffisorpallaarneq pissuttaalluni qimmit toqorarput