VIDEO Allaffisorpallaarneq pissuttaalluni qimmit toqorarput

Allaffissornerup pisariunera pillugu qimmit toqorarput Attaveqatigiinnerit pisariuallaarnerat aaqqiissutissallu eqqarsaatigilluarneqanngitsut pissutigalugu Qimminut akiuussutissat parnaarusimaneqarput taamaalinerani qimmit 40-it napparsimallutik toqorarput

Allattoq Jonas Løvschall-Wedel, Jaaku Lyberth

januaarip 27-at 2016 13:06

Taama oqaluttuarpoq Qaasuitsup Kommuniani borgemsteri Ole Dorph

- Uumasut nakorsaanik kiffartuunneqarnissamik pisarisaqartitsisoqarfiani pissutsit ullumikkut imaannaanngillat, immaqa imaannaanngippallaarput ajornakusoormat, Ole Dorph oqarpoq, taassuma erseqqissaatigaa Namminersorlutik Oqartussanik uumasut nakorsaqarneq pillugu oqaloqateqaniaramami.

Aamma atuaruk : VIDEO Qimmit Qeqertami napparsimallutik toqorarp

- Taamaalilluni qimmit napparsimalerpata soorlu maannakkut tamanna nalaanneqartoq siunissami ajornannginnerusumik iliuuseqartoqassammat.

Ajunaarnersuaq

Kalaallit Nunaanni Qimussertartut Kattuffianit oqaatigineqarpoq, ukiut tallimat sinnerlugit tamanna ajornartorsiutigineqartoq . Siulittaasoq Mikkel Jeremiassen oqaluttuarpoq ajornartorsiut saqqummiunneqartaraluartoq tamannali kinguneqartarsimanngitsoq.

Aamma atuaruk : Nunaqarfinni marlunni qimmit qimmit nappaataannik toqquteqarsimasorineqartu

Ajornartorrsiut tamanna Mikkel Jeremmiassenip imatut oqaatigaa:

Soorunami pissutsit taamaattut akuerisinnaanngilarput alianaartuuvoq - ilami nunaqarfinnguami qimmit 40-it amerlasoorujussuupput, taamaattumik ajunaarnersuartut taasariaqarpoq, Kalaallit Nunaanni Qimussertartut Kaffianni siulittaasoq Mikkel Jeremiassen taama oqarpoq.

Qimminut akiuussutissat decemberip qaammataani inniminnerneqarput. Ole Dorphip nassuiaateqarnera naapertorlugu akiuussutissat uumasut nakorsaata najugaqarfiani inissisimapput, iserfigineqarsinnaananilu.

- Uumasut nakorsaat ullumikkut ataasiinnaavoq. Taassumalu isumaqatigissuteqarfigineqarneranut ilaavoq, nakorsaatinik tuniniaasinnaasoq taannalu kisimi uumasut nakorsaanut isersinnaavoq, tassaniippullu akiuussutissat.

Qaasuitsup Kommunia, uumasut nakorsaqannginneq aamma akiuussutissanik pissarsiniarnermi ajornartorsiut pillugu Namminersorlutik Oqartussanik oqaloqateqassaaq.

Qimminut akiuussutissat decemberip qaammataani inniminnerneqarput. Ole Dorphip nassuiaateqarnerat naapertorlugu akiuussutissat uumasut nakorsaata najugaqarfiani inissisimapput, iserfigineqarsinnaananilu.

Uumasut nakorsaat ullumikkut ataasiinnaavoq. Taassumalu isumaqatigissuteqarfigineqarneranut ilaavoq, nakorsaatinik tuniniaasinnaasoq taannalu kisimi uumasut nakorsaanut isersinnaavoq, tassaniippullu akiuussutissat.