Donald Trump Tuluit Nunaannut pisortatigoortumik tikeraassasoq

Tuluit nutaarsiassaqartitsiviat Reuters taama allaaserisaqarpoq.

- Præsident Trump pisortatigoortumik juunimi tikeraarnissamut dronning Elisabethip qaaqqusineranut qujassuteqarpoq, Buckingham Palace taama nalunaaruteqarpoq.

Trump nuliilu Melania Trump, Tuluit Nunaannut juunip ulluisa pingajuannit tallimaata tungaanut pisortatigoortumik tikeraassapput.

Pisortatigoortumik tikeraarnissamut paasissutissat sukumiinerusut saqqummiunneqarumaartut, tuluit kunngikkormiuisa nalunaarutigaat.

Donald Trumpip Tuluit Nunaanniinnermini ministeriuneq Theresa May Downing Streetimi aamma ataatsimeeqatigissavaa.

Iligiit nunat killiit Sorsunnersuup Aappaanni Frankrigimi Normandiamut nunassinnerannut ukiut 75-inngortorsiornerannut atatillugu malunnartitsiniaasoqarnissaanut Trump Tuluit Nunaannut pisortatigoortumik tikeraassaaq.

Donlad Trump Londonimeereeruni Frankrigimut ingerlaqqissaaaq, Frankrigip præsidentia Emmanuel Macron Pariisimi naapittussaallugu.