Demokraatit: Nunatsinnut ulloq nalliuttorsiorfiusoq
Angajoqqaat meeqqaminnik annersaasinnaatitaaffianik atorunnaarsitsiniarnerup saniatigut meeqqat angajoqqaaminni, angajoqqaatut akisussaaffeqanngikkaluartuni najuisinnaanerannut aaliangeeqataanerulersinnaanerannut siunnersuut oqallisigineqarpoq.
Aamma arnaqatiminnik anguteqatiminnilluunniit aappaqartartut katissinnaanissaannut siunnersuut suliarineqarpoq.
Kiisalu angajoqqaatut akisussaanermut sulianut tunngasunut naalagaaffeqatigiiffiup avataani aalajangiisoqarsinnaaneranut siunertalimmik Nunat tamalaat akornanni isumaqatigiissummut akuersinissaq aamma siunnersuutigineqa
Aamma atuaruk Meeqqat unatarnissaat kiisami inerteqqutinngulerpoq
Inuit allatulli asaneqarnissamik pisinnaatitaaffiit
Siunnersuutit Inatsisartuni partiinit tamanit taperserneqarput.
Arnaqatiminnik anguteqatiminnilluunniit aappaqartartut katissinnaanissaannut siunnersuut ingammik tigulluarneqarpoq.
Aamma atuaruk Oqaluffiit siarngi suiaqatigiinnut siarngussinnaanngulerput
- Arnaqatinoortut, anguteqatinoortut, angutinoorlutillu arnanoortut kiisalu arnat angutitut imaluunniit angutit arnatut inunngorsimasut inuit allatulli asaneqarnissaminnut pisinnaatitaaffii akuersissutigineqarmata Nunatsinni ulloq nalliuttorsiorfiusoq isumaqarpugut, Demokraatiniit Justus Hansen oqarpoq.
Akerleriinnut isumaqatigiisitsisoqartarnissaanut kissaat
Siunnersuutit isumaqatigineqartaraluarlutik pitsanngorsarneqarnissaannut partiit arlallit innersuuteqarput.
Assersuutigalugu angajoqqaat akisussaaffiinut, meerarlu angajoqqaaminut attaveqarsinnaatitaaffiinut suliat pillugit meeqqat 12-it ataallugit ukiullit tusarniaaffigineqarsinnaalernissaat Siumumit innersuutigineqarpoq.
Aamma Inuit Ataqatigiit siunnersuutit qanoq pitsanngorsarsinnaanerannut siunnersuuteqarput. Ilaatigut pinerluttulerinermi inatsit allanngortikkusuppaat, meeraq Nunatsinninngaanniit Danmarkimut aallarunneqassappat naalagaaffeqatigiit avataanut aallarunneqarneratut naligiisinneqarnissaanut kinguneqartussamik.
Aamma angajoqqaatut akisussaanermut, meeqqallu angajoqqaaminut attaveqarsinnaaneranut suliani inuit tamarmik akerleriinnut isumaqatigiisitsisoqartarnissaanut pisinnaatitaaffeqassasut Inuit Ataqatigiit isumaqarput.
Aamma atuaruk Suliniaqatigiiffiit: Meeqqanik aallarussineq pillagaassutaasinnaasariaqarpoq
Siunnersuutit inatsisartut inatsisinut ataatsimiisitaliaanut innersuunneqarput.
