Formand for Demokraatit, Jens Frederik Nielsen.Assi: KNR / Malik Brøns

Demokraatit: Naalakkersuisooqatigiinneq nalilersorneqartariaqarpoq

Naalakkersuisut naalakkersuisoqatigiillu piffissami kingullermi ilungersunartorsiorfimmiipput. Tamannalu Naalakkersuisut siulittaasuannit Kim Kielsenimit Demokraatillu siulittaasuannit tupaallaatigineqarpoq.

Naalakkersuisoqatigiit iluminni aporaatilerput, tamannalu naalakkersuisunut nalorninartorsiortitsilerpoq.

Tamanna Siumut siulittaasuata tulliata, Vivian Motzfeldtip Kuannersuit pillugu ataatsimiititsinissap kinguartinneqarnissaanik oqariartuuteqareersorlu pivoq.

Sermitsiaq.AG. taama allaaserisaqarpoq.

AAMMA ATUARUK SIK kalder Siumut nosseløse og kritiserer også IA

- Ilumoorpoq assut tupappunga Siumup siulersuisortaavisa politikkiminnik allannguinerat pillugu, aamma ilumoorpoq naalakkersuisooqatigiit ingerlaannarsinnaanissaat pillugu, pingaartumik Demokraatinit sukumiisumik nalilersuisariaqaleratta, Jens-Frederik Nielsen aviisimut Sermitsiamut oqarpoq.

Naalakkersuisut siulittaasuata, Kim Kielsenip, nammineq partiini ilisarisinnaajunnaarlugu oqaatigaa.

AAMMA ATUARUK Immikkut ilisimasalik: Kuannersuit oqallisigineqarneranni Siumumi isumaqatigiinngingaatsiarnerit ersilerput

Tassunga tunngatillugu Kim Kielsen aamma Jens Frederik Nielsen KNR-imit sisamanngornermi siusinnerusukkut oqaaseqartinniaraluarlugit iluatsinngilagut. Taakku KNR-imut oqaaseqarusunnatik oqarput.

Ilisimatusarfimmili inuiaqatigiilerinermi ilisimatooq, Rasmus Leanderip oqarnera naapertorlugu, Kuannersuit pillugu oqallinnerit, politikkikkut akerleriiffiulerput.

- Suliniutaavoq ukiuni qulikkaani kingullerni ingerlasoq. Australiamiut aatsitassarsioqatigiiffiata (Greenland Mineralsip aaqq.) alloriaqqissiinnanissani ajugaasimaarutigileruttoraa Siumup iluani isumaqatigiinngingaatsiartut erserpoq, Rasmus Leander Nielsen oqarpoq.

AAMMA ATUARUK Kuannersuit: Siumup innuttaasunut ataatsimiititsinerit kinguartikkusukkai