Timmisartup juullikkunni minnerliornera teknikkikkut akornuteqarneranik pissuteqarpoq

Nalunaarusiami allaaserineqarpoq, Dash 8 Nuummit Paamiunut ingerlaartilluni nalunaarfigineqartoq Paamiuni mittarfik quasappallaartoq. Tamannalu pissutigalugu timmisartup naalagaa aalajangerpoq timmisartoq tallimanik ilaasoqartoq Nuummut utiinnassasoq.
 
Nuummut mikkiartornermi anoreqannginnera marluinnarnillu issinnera paasineqarpoq. Mittarfiup qanoq inneranik paasissutissanik sukumiisunik timmisartoq mittarfiup nakkutilliisuinit tunineqarpoq.

AAMMA ATUARUK Timmisartoq Nuummi mittarfimmi sisusoorpoq

Timmisartorlu mittarfimmut mimmat timmisartullu motooria "reverse"-mut nuunneqarmat timmisartumut ilaasut malugaat timmisartoq Dash 8 saamimmut saqikkiartulersoq. Timmisartup naalagaata tamanna iluarsiniarlugu "reverse" qamippaa ilaatigullu assakaasut unittaataat atorlugit timmisartoq aqunniarsaralugu. Timmisartoq mittarfiup avataanut sisoorpoq tassungalu unilluni.

AAMMA ATUARUK Nuummi timmisartoq sisummat pissanganartoqarsimanngilaq

Ajutoornerit pillugit ataatsimiititaliarsuaq allappoq, Dash 8-p talerpiatungaani innaallagissap ikittaataa akornuteqarsimasoq, taamaattumillu sarpiup talerperliup sillimmataa aallarteriasaarsimasoq.

AAMMA ATUARUK Nuummut timmisartup minnerliornera misissuiffigineqalerpoq