Timmisartoq Nuummi mittarfimmi sisusoorpoq
Timmisartoq Dash 8 Nuummut minnermini mittarfimmiit avammut sisoorsimasoq, ilaasunilli ajoqusertoqarsimanngitsoq, Air Greenland tusagassiutinut nalunaarummi allappoq.
Allattoq Aaqqissuisoqarfik
decembarip 29-at 2014 15:48
Timmisartuni ilaasut arfineq-pingaust inuttallu pingasut tamarmik ajoqusinngillat.
Timmisartoq Nuummiit Paamiuliarsimagaluarpoq, Paamiunili mittarfiup quasappallaarnera pissutigalugu missinnaasimannginnami Nuummut utiinnartariaqarsimavoq. Nuummili mittarfik aamma quasassimaqisoq Air Greenlandip oqaatigaa.
Bremsernissamut kisitsisit pilotimut tunniunneqarsimasut eqqorsimanngitsut, mittarfik ilimagisamik quasannerusimammat, taamaammallu timmisartoq mittarfiup avataanut sisusimasoq, Air Greenlandip oqaatigaa.
Qujanartumilli inunnik ajoqusertoqanngilaq. Timmisartut Dash-8-p aserfallassimanersoq ilisimatitsissutigineqanngilaq.
