Danskit nunanut allanut tunngasunut ministeriat: USA-p Kalaallit Nunaannut isumaqatigiissuteqarnera alloriarnermi siulliinnaavoq
Naak Folketingimi partiit qassiiusut USA-p nunatsinnut aningaasatigut tapiissuteqarnera akerleringaatsiaraluaraat danskit nunanut allanut tunngasunut ministerip, Jeppe Kofodip (S) sisamanngornermi isumaqatigiissutigineqartoq nuannaarutigingaatsiarlugu nassuerutigaa.
Isumaqatigiissuteqarnermi USA nunatsinnut 83 millionit koruuninik aningaasaliissuteqarpoq.
USA-p Issittumut Kalaallit Nunaannullu soqutiginninnerulernera kalaallinut inuiaqatigiinnut iluaqutissartaqarnissaa naalakkersuisut pingaarnerutissimagaat, taanna oqarpoq.
AAMMA ATUARUK Tusarfiit KNR-imut: USA nunatsinnut 82 millionit koruuninik tapiissuteqarniartoq
- Tapiissuteqarneq nutaaq takornariaqarnermut, ilinniartitaanermut, aatsitassaqarnermut allanullu inerisaanermut iluaqutaassaaq.
- Suleqatigiinnermi matuma alloriarneq siulliuvoq, tamannalu Kalaallit Nunaata naalakkersuisuisa tikilluaqquaat.
Naalagaaffeqatigiinneq pitsanngorsarneqartoq
Suleqatigiinnerulerneq USA-llu Kalaallit Nunaannut soqutiginnikkaluttuinnarnera naalagaaffeqatigiinni avissaartuutsitsisinnaanissaa ernumatiginngilaa. Tamanna SF-imit, Karsten Høngep ilaatigut mianersoqqussutigaa.
- Illuatungaanilli misigisimavara, tassa naalagaaffeqatigiinneq maani pitsanngorsarneqarsoraara, Jeppe Kofod oqarpoq.
AAMMA ATUARUK Ilisimasallit: USA nunatta ikinngutinnaavini tulliujumalluni akiliisoq
USA Nuummi sinniisoqarfimmik ukiup ingerlanerani ammaassaaq, Jeppe Kofodillu isumaqatigiissuteqarneq "tunniussaqarnermi utertiffigineqarnerusoq" nassuerutigaa.
Assersuutigalugu USA-p sakkutooqarnikkut ataqatigiissaarinermut eqqarsaateqarsinnaanera isumaliutigineqarnikuuvoq. Amerikamiut Pituffimmi sakkutooqarfeqareerput.
Suli suleqatigiinnerusoqalernissaa naatsorsuutigineqarpa?
Jeppe Kofodilli oqarnera naapertorlugu isumaqatigiissuteqarneq nuussiinnarnermit annertuneruvoq.
- USA-p Kalaallit Nunaannut soqutiginninnera isertugaataanngilaq. Taamaalilluni illuttut ingerlaveqarpoq.
- Ukiorpassuarni suleqatigiinnimanitta annertusinissaa, ataqatigiissaakkamik suleqatigiinnissaq kissaatigineqarpoq. Aamma susassaqarfimmi amerikamiut peqataanissaannik piffissami sivisuumi kissaatigisimasatsinni.
AAMMA ATUARUK Aaja Chemnitz Aki-Matilda Høegh-Damilu: Dollarsinut qujanaq – piumasaqaatilli naapertuuppata
- Isumaqatigiissuteqarneq suleqatigiinnerulernermik pilersinissaa takorloorneqarsinnaalluarpoq. Sinniisoqarfik maanna ammalerpoq, uanilu suleqatigiinnerulernissatsinnut aallarniisoqarpoq. Nuannaarutigaarput, Jeppe Kofod oqarpoq.
Qanoq tulliani alloriartoqarnissaa suli oqaaseqarfigineqarsinnaanngilaq.
