Danskit naalakkersuisui ajornartorsiortut: Illuatungiulittut tatiginnikkunnaarnermik taasisitseqqusipput
Siunnersuut sapaatit-akunnerata tulliani pingasunngornermi suliarineqassaaq.
Ministerimillu tatiginnikkunnaarneq taasissutigineqassappat De Konservativet tamatumunnga piareersimanerarput ministerilu taamaalillutik uppitissinnaallugu.
De Konservativet Folketingimi ilaasortaatitaata ullumi sisamanngornermi ullaap tungaani ataasimiinnerisa kingorna De Konservativet siulittaasuata, Søren Pape Poulsenip, tamanna erseqqissarpaa. Pingasunngornerutinnaguli allatut pisoqariataarsinnaasoq ilanngullugu aamma erseqqissaatigaa.
Aamma atuaruk Løkkep partiit talerperliit isumaqatigiinniarnissamut aggersarpai
Amerlanerussuteqartut ministerimik tatiginnikkunnaarnerisigut Eva Kjer Hansenip nammineerluni tunuarsinnaanissaa, soorlu siornatigut taamaaliortoqartareersoq, maanna isumaliutigineqarpoq.
- Nunalerineq pillugu ataatsimoortumik inatsimmut ilassutitut isumaqatigiissutissaq maanna isumaqatigiinniutigissavarput. Ministerimilli tatiginnikkunnaarnitsinnik tamanna allanngortitsinngilaq. Suliap taamatut ingerlanneqareernerani avatangiisinut inuussutissanullu ministeri tatigiunnaarparput, Pape taama oqarpoq.
Aamma atuaruk Danskit naalakkersuisui ajornartorsiortut: Løkke tamanit utaqqineqarpoq